🕉️🕉️🕉️

🙏കുടുംബപ്രാർത്ഥന🙏

ദൈവമേ കാത്തുകൊൾകങ്ങു ഞങ്ങളെ
നാവികൻ നീ ഭവാബ്ധിക്കൊരാവിവൻ തോണി നിൻ പദം
ഒന്നൊന്നായെണ്ണിയെണ്ണി ത്തൊട്ടെണ്ണം പൊരുളൊടുങ്ങിയാൽ
നിന്നിടും ദൃക്കുപോലുള്ളം നിന്നില സ്പന്ദമാവണം

അന്ന വസ്ത്രാദി മുട്ടാതെ തന്നു രക്ഷിച്ചു ഞങ്ങളെ
ധന്യരാകുന്ന നീയൊന്നു തന്നെ ഞങ്ങൾക്കു തമ്പുരാൻ
ആഴിയും തിരയും കാറ്റു മാഴവും പോലെ ഞങ്ങളും
മായയും നിൻ മഹിമവും നീയ്യമെന്നുള്ളിലാകണം.

നീയല്ലോ സൃഷ്ടിയും സൃഷ്ടാവായതും സൃഷ്ടിജാലവും
നീയല്ലോ ദൈവമേ സൃഷ്ടിക്കുള്ള സാമഗ്രിയായും
നീയല്ലോ മായയും മായാവിയും മായാവിനോദനും
നീയല്ലോ മായയേ നീക്കിസ്സായൂജ്യം നല്കുമാര്യനും

നീ സത്യം ജ്ഞാനമാനന്ദം നീ തന്നെ വർത്തമാനവും.
ഭൂതവും ഭാവിയും വേറല്ലോതും മൊഴിയുമോർക്കിൽ നീ
അകവും പുറവും നിങ്ങും മഹിമാ വാർന്ന നിൻപദം
പുകഴ്ത്തുന്നു ഞങ്ങളങ്ങേ  ഭഗവാനേ ജയിക്കുക.

ജയിക്കുക മഹാദേവ ദീനാവനപരായണ
ജയിക്കുക ചിദാനന്ദ ദയാ സിന്ധോ ജയിക്കുക
ആഴമേറും നിൻ മഹസ്സാ- മാഴിയിൽ ഞങ്ങളാകവേ
ആഴണം വാഴണം നിത്യം വാഴണം വാഴണം സുഖം.🙏