🕉️
|സ്വാമി ചിദാനന്ദ പുരി|

★ അറിവിൽ നിന്നാണ് ഭക്തിയുണ്ടാകുന്നത്. ഈ പ്രപഞ്ചത്തിന്റെ പാരസ്പര്യത്തെക്കുറിച്ചുള്ള ബോധത്തിൽ നിന്നാണ് ഭക്തിയുണ്ടാകുന്നത്. അല്ലാതെ മഴയെയും ഇടിമിന്നലിനെയും കാറ്റിനെയും കണ്ടു പേടിച്ചിട്ടല്ല.

🩸 ഭയത്തിൽ നിന്നാണ് ഭക്തി ഉണ്ടാവുന്നത് എന്ന് നിരീശ്വരവാദികളെന്ന് സ്വയം പറയുന്ന പലരും വിമർശിക്കുന്നത് കേട്ടിട്ടുണ്ട്. പ്രകൃതിപ്രതിഭാസങ്ങളെ കണ്ടു ഭയപ്പെട്ട മനുഷ്യൻ തനിക്കുപരി, ഇല്ലാത്ത ഒരു ശക്തിശാലിയെ സങ്കൽപ്പിച്ചുണ്ടാക്കി അതിൽ ഭക്തിയുള്ളവരായത്രെ!

★ അത് ശരിയല്ല. പേടിയിൽ നിന്നല്ല ഭക്തിയുണ്ടാവുക. ഒളിക്കാനുള്ള പ്രവണതയാണ് പേടിയിൽനിന്നുണ്ടാവുക.

🧡 ഭക്തിയാവട്ടെ പ്രേമമാണ്. പരമമായ ഈശ്വരപ്രേമം. ഭക്തിയുണ്ടാവുക അറിവിൽ നിന്നാണ്.

★ ‘ഭഗവാനേ! ഇതിനെ മുഴുവൻ പരിപാലിക്കുന്നത് നീയാണല്ലോ’ എന്ന തിരിച്ചറിവിൽനിന്നാണ് ഭക്തിയുണ്ടാകുന്നത്.

✍️ചിദാനന്ദപുരി സ്വാമികൾ