🕉️🕉️🕉️🕉️🕉️🕉️🕉️🕉️🕉️🕉️🕉️🕉️   


    *ഹരിപ്രിയാ സ്തോത്രം*

ത്രിലോകജനനീം ദേവീം
സുരാർചിതപദദ്വയാം|
മാതരം സർവജന്തൂനാം
ഭജേ നിത്യം ഹരിപ്രിയാം|

പ്രത്യക്ഷസിദ്ധിദാം
രമ്യാമാദ്യാം
ചന്ദ്രസഹോദരീം|
ദയാശീലാം മഹാമായാം
ഭജേ നിത്യം ഹരിപ്രിയാം|

ഇന്ദിരാമിന്ദ്രപൂജ്യാം ച
ശരച്ചന്ദ്രസമാനനാം|
മന്ത്രരൂപാം മഹേശാനീം
ഭജേ നിത്യം ഹരിപ്രിയാം।

ക്ഷീരാബ്ധിതനയാം പുണ്യാം
സ്വപ്രകാശസ്വരൂപിണീം|
ഇന്ദീവരാസനാം ശുദ്ധാം
ഭജേ നിത്യം ഹരിപ്രിയാം|

സർവതീർഥസ്ഥിതാം ധാത്രീം
ഭവബന്ധവിമോചനീം|
നിത്യാനന്ദാം മഹാവിദ്യാം
ഭജേ നിത്യം ഹരിപ്രിയാം|

സ്വർണവർണസുവസ്ത്രാം ച
രത്നഗ്രൈവേയഭൂഷണാം|
ധ്യാനയോഗാദിഗമ്യാം ച
ഭജേ നിത്യം ഹരിപ്രിയാം|

സാമഗാനപ്രിയാം ശ്രേഷ്ഠാം
സൂര്യചന്ദ്രസുലോചനാം।
നാരായണീം ശ്രിയം പദ്‌മാം ഭജേ
നിത്യം ഹരിപ്രിയാം|

വൈകുണ്ഠേ രാജമാനാം ച
സർവശാസ്ത്രവിചക്ഷണാം| നിർഗുണാം
നിർമലാം നിത്യാം ഭജേ
നിത്യം ഹരിപ്രിയാം|

ധനദാം ഭക്തചിത്തസ്ഥ-
സർവകാമ്യപ്രദായിനീം|
ബിന്ദുനാദകലാതീതാം
ഭജേ നിത്യം ഹരിപ്രിയാം|

ശാന്തരൂപാം വിശാലാക്ഷീം
സർവദേവനമസ്കൃതാം|
സർവാവസ്ഥാവിനിർമുക്താം
ഭജേ നിത്യം ഹരിപ്രിയാം|

സ്തോത്രമേതത് പ്രഭാതേ
യഃ പഠേദ് ഭക്ത്യാ യുതോ
നരഃ| സ ധനം
കീർതിമാപ്നോതി
വിഷ്ണുഭക്തിം ച വിന്ദതി|
 
                         tsv
⚜️⚜️⚜️⚜️⚜️⚜️⚜️⚜️⚜️⚜️⚜️⚜️