*_🚩കുണ്ഡലിനി_🕉️🕉️🕉️

*യോഗാസനപ്രകാരം ഏതൊരു വ്യക്തിയിലുമുള്ള ശക്തിയാണ് കുണ്ഡലിനി. സാധാരണ വ്യക്തികളിൽ മൂലാധാരത്തിൽ കുണ്ഡല (ചുരുൾ) രൂപത്തിൽ സുഷുപ്തിയിലിരിക്കുന്ന സർപ്പിണിയായാണ് കുണ്ഡലിനിയെ സങ്കൽപ്പിക്കുന്നത്. യോഗികളുടെ സാധനകൾ പ്രത്യേക ഘട്ടത്തിൽ എത്തിക്കഴിഞ്ഞാൽ പ്രപഞ്ചത്തിലുള്ള ഊർജ്ജം ശരീരമാകെ പ്രവഹിക്കുന്നതായി തോന്നുന്നതിനു കാരണം കുണ്ഡലിനിയാണ്. സാധനപ്രകാരം കുണ്ഡലിനി ചുരുൾ നിവർത്തി സുഷുമ്നാ നാഡിവഴി പ്രവേശിക്കുന്നു.*

*1-മൂലാധാരം,*
*2-സ്വാധിഷ്ഠാനം,*
*3-മണിപൂരകം,*
*4-അനാഹതം,*
*5-വിശുദ്ധി,*
*6-ആജ്ഞ,*
*7-സഹസ്രാരം*

*”എളുപ്പമായുള്ള വഴിയേ പോകുമ്പോള്‍ ഇടയ്ക്കിടെ ആറു പടിയുണ്ട്*
*പടിയാറും കടന്നവിടെ ചെല്ലുമ്പോള്‍ ശിവനെക്കാണാകും ശിവ ശംഭോ”*

*മൂലാധാരത്തിൽ ആരംഭിച്ച് സ്വാധിഷ്ഃഠാനം, മണിപൂരകം, അനാഹതം, വിശുദ്ധി, ആജ്ഞ, എന്നിങ്ങനെ ആറാധാരങ്ങളിലൂടെയാണ് കുണ്ഡലിനിയുടെ യാത്ര. കുണ്ഡലിനിയുടെ യാത്രയിൽ യോഗികൾക്ക് യോഗാനന്ദം ലഭിക്കുന്നു. ഡാകിനി, രാകിനി, ലാകിനി, കാകിനി, സാകിനി, ഹാകിനി എന്നീ ദേവതകളെയാണ് കുണ്ഡലിനിയുടെ പഥത്തിൽ ആന്തരികമായി സങ്കല്പിച്ച് ദർശിക്കുന്നത്. ഓരോ ദേവതക്കും വ്യത്യസ്തമായ വർണ്ണവും വസ്ത്രവും ആയുധങ്ങളും സങ്കൽപ്പിക്കപ്പെട്ടിട്ടുണ്ട്. കുണ്ഡലിനി ഓരോ ഘട്ടം കഴിയുമ്പോഴും യോഗിക്ക് ദേവതമാർ നൽകുന്ന സിദ്ധികളും പഞ്ചേന്ദ്രിയങ്ങളിലൂടെ  നൽകുന്ന ആനന്ദവും പതഞ്ജലി  വിശദീകരിച്ചിട്ടുണ്ട്. ഈ അവസ്ഥക്ക് പ്രാണസാക്ഷാത്കാരം എന്നു പറയുന്നു.*

*സാധാരണക്കാരെ സംബന്ധിച്ച് ഈ അനുഭവങ്ങൾ മിഥ്യയോ വിഭ്രാന്തിയോ ആണെങ്കിലും സാധകനെ സംബന്ധിച്ച് ഇവയും മറ്റേതൊരു കാര്യങ്ങൾ പോലെയും അനുഭവേദ്യമാണ്. സഹസ്രാരത്തിലെ ശിവനുമായി ഐക്യപ്പെടുകയാണ് കുണ്ഡലിനീ യോഗത്തിന്റെ പരമകാഷ്ഠ.*

*സാധകന്റെ ലൌകികഭാവങ്ങളായ മൂലാധരത്തിലെ ബ്രഹ്മഗ്രന്ഥിയും (രജസ്), അനാഹതത്തിലെ വിഷ്ണുഗ്രന്ഥിയും (സ്വത്വം), ആജ്ഞാ ചക്രത്തിലെ രുദ്രഗ്രന്ഥിയും (തമസ്) ഭേദിക്കപ്പെടുന്നതോടെ മനസ് ആത്മനീഭാവം കൈക്കൊള്ളുന്നു. ആജ്ഞാചക്രം കഴിഞ്ഞാൽ കുണ്ഡലിനി ബ്രഹ്മരന്ധ്രം വഴി സഹസ്രാരത്തിലേക്കു കടക്കുന്നു. ശരീരം വിസ്മൃതവും മനസ്സ് മാത്രം നിലനിൽക്കുകയും (ലയവും ഉണ്മയും) ചെയ്യുന്ന അവസ്ഥയാണിത്. മനുഷ്യന്‌ ജീവനുണ്ടെന്നും അതുപോലെ ജന്തുക്കൾക്കുമൊക്കെ ജീവനു ണ്ടെന്നുമുള്ള സങ്കല്പത്തെ, തന്ത്രാഗമങ്ങൾ സങ്കല്പിക്കുന്നില്ല. എന്റെയും നിങ്ങളുടെയുമൊക്കെ ജീവൻ നാളെ വിട്ടുപോകുമ്പോൾ- ജീവൻ നമ്മുടെ സ്വന്തമല്ലെന്ന്‌ ആഗമങ്ങൾ പറയും; ജനിക്കുന്നതിനുമുമ്പ്‌ നമുക്ക്‌ ജീവൻ ഉണ്ടായിരുന്നുമില്ല. പ്രാണൻ മുമ്പ്‌ അന്നത്തിലാണിരുന്നത്‌; അതുകൊണ്ട്‌ അന്നമഹത്വം വളരെവലുതാണ്‌.*

*പ്രാണനിൽ ഏതെങ്കിലും തരത്തിലുള്ള വൈകല്യങ്ങൾ വന്നാൽ, പ്രാണന്‌ കാരണമായിവന്ന അന്നത്തെ ബുദ്ധിയുള്ളവർ ശ്രദ്ധിക്കും- അന്നത്തിന്‌ വൈ കല്യങ്ങൾവന്നാൽ, അന്നം ഏത്‌ ഔഷധിയിൽനിന്ന്‌ ഉണ്ടായെന്ന്‌ ശ്രദ്ധി ക്കും; ആ ഔഷധങ്ങൾക്ക്‌ ഔചിത്യഹീനതവന്നാൽ, ഭൂമിയെ ശ്രദ്ധിക്കും- ഇതാണ്‌ അതിന്റെ പ്രക്രിയ. അതുകൊണ്ട്‌ സർവ്വാന്തര്യാമിയായിരിക്കുന്ന ചൈതന്യം തന്നെയാണ്‌ പുരുഷനിൽ കുണ്ഡലിനീരൂപത്തെ പ്രാപിച്ചിരിക്കുന്നത്‌. അത്‌ ചൈതന്യരൂപയായി; സർവ്വഗയായി; വിശ്വരൂപിണിയായി ശിവസന്നിധിയെ പ്രാപിച്ച്‌ നിത്യാനന്ദഗുണോദയങ്ങളോടുകൂടിയതായി; സർവ്വവേദങ്ങളോടും കൂടെപോകുന്നവളായി (ആഗമ) പരമാർത്ഥരൂപയായ പരാ, അപരാ എന്ന വിഭാഗങ്ങളോടുകൂടിയവളായിത്തീർന്നിരിക്കുന്നു. അവൾ യോഗീഹൃദയങ്ങ ളിൽ നർത്തനംചെയ്യുകയും സർവ്വപ്രാണികളുടെയും മൂലാധാരത്തിൽ മിന്നൽപിണറിന്റെ ആകൃതിയോടുകൂടി സ്ഫുരിക്കുകയും ശംഖിന്റെ പിരിപോലെ സകലത്തേയും ചുറ്റിയിരിക്കുകയും ചെയ്യുന്നു; എന്നാൽ ചുറ്റിക്കിടക്കുന്ന പാമ്പിന്റെ രൂപത്തെ പ്രാപിക്കുകയും ചെയ്തിരിക്കുന്നു.*

*അവൾ സർവ്വദേവസ്വരൂപയും സർവ്വതത്ത്വരൂപയും സൂക്ഷ്മയും അതി സൂക്ഷ്മയും ശിവയും സൂര്യചന്ദ്രാഗ്നികളുടെ മാതാവും ശബ്ദബ്രഹ്മസ്വരൂപയുമാകുന്നു, ത്രികൂട (അഗ്നിഖണ്ഡം, സൂര്യഖണ്ഡം, ചന്ദ്രഖണ്ഡം) ഇവയ്ക്ക്‌ മാതാവും ശബ്ദബ്രഹ്മസ്വരൂപയുമാകുന്നു. അവൾ അക്ഷരങ്ങളുടെ രൂപത്തോടു കൂടിയവളാകുന്നു. പരദേവതയായ ആ കുണ്ഡലിനീ, സർവ്വ ശരീരങ്ങളിലും വിശ്വാത്മാവായിരിക്കുന്ന പരമേശ്വരനാൽ പ്രബുദ്ധയായി മന്ത്രരൂപമാകുന്ന ലോകത്തെ പ്രസവിക്കുന്നു- ദീക്ഷയെ ലഭിക്കുമ്പോൾ സ്ഥൂലശരീരത്തെ വെടിഞ്ഞ്‌ മന്ത്രശരീരത്തോടു കൂടിയിരിക്കുന്നവനായി യോഗി സഞ്ചരിക്കുന്നത്‌, അപ്പോഴാണ്‌.*

ഓം ഗണപതയെ നമഹ 🙏
ഓം നമശിവായ 🙏
ഓം നമോ നാരായണായ 🙏
സ്വാമിയേ ശരണം അയ്യപ്പാ 🙏
അമ്മേ ശരണം ദേവി ശരണം 🙏

ഹരേ രാമാ ഹരേ രാമാ രാമ രാമ ഹരേ ഹരേ” ഹരേ കൃഷ്ണ ഹരേ കൃഷ്ണ കൃഷ്ണ കൃഷ്ണ ഹരേ ഹരേ 🙏
ജയ് ശ്രീറാം” “ജയ് ഹനുമാൻ”🙏

ഹരേ കൃഷ്ണ 🙏
സർവ്വം കൃഷ്ണാർപ്പണം 🙏🏻🙏🏻
കൃഷ്ണാ.. ഗുരുവായൂരപ്പാ.🙏🙏🙏

ലോകഃ സമസ്താ സുഖിനോ ഭവന്തു
എല്ലാവർക്കും നല്ലത് മാത്രം വരട്ടെ എന്ന് പ്രാർത്ഥിച്ചു കൊണ്ട്,നേരുന്നു, ശുഭദിനം
എൻറെ കൃഷ്ണാ ഗുരുവായൂരപ്പാ🙏
🙏🙏🙏🙏🙏🙏🙏🙏🙏🙏🙏🙏🙏
🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳
🌹🌹🌺🌷💐🌻🌼🌸🌾🌿🌹🌹🌹
🕉️🕉️🕉️🕉️🕉️🕉️🕉️🕉️🕉️🕉️🕉️🕉️🕉️
10/6/25, ചൊവ്വ 🪷🪷🪷
(കടപ്പാട് )