*ശ്രീ വെങ്കടേശസുപ്രഭാതം*
➖➖➖➖➖➖➖➖➖

*കൗസല്യാ സുപ്രജാ രാമ പൂര്‍വാ സന്ധ്യാ പ്രവർത്തതേ*
*ഉത്തിഷ്ഠ നരശാർദൂല കർത്തവ്യം ദൈവ മാഹ്നികം*
🏵️
*ഉത്തിഷ്ഠോത്തിഷ്ഠ ഗോവിന്ദ ഉത്തിഷ്ഠ ഗരുഡധ്വജ*
*ഉത്തിഷ്ഠ കമലാകാന്ത ത്രൈലോക്യം മംഗളം കുരു*
🏵️
*മാതസ്സമസ്തജഗതാം മധുകൈടഭാരേഃ*
*വക്ഷോവിഹാരിണി മനോഹരദിവ്യമൂർത്തേ*
*ശ്രീസ്വാമിനി ശ്രിത ജനപ്രിയദാനശീലേ*
*ശ്രീവേങ്കടേശദയിതേ തവ സുപ്രഭാതം*
🏵️
*തവ സുപ്രഭാതമരവിന്ദലോചനേ*
*ഭവതു പ്രസന്നമുഖചന്ദ്രമണ്ഡലേ*
*വിധിശങ്കരേന്ദ്രവനിതാഭിരർചിതേ*
*വൃഷശൈലനാഥദയിതേ ദയാനിധേ*
🏵️
*അത്ര്യാദിസപ്തഋഷയസ്സമുപാസ്യ സന്ധ്യാം*
*ആകാശസിന്ധുകമലാനി മനോഹരാണി*
*ആദായ പാദയുഗമർചയിതും പ്രപന്നാഃ* 
*ശേഷാദ്രിശേഖരവിഭോ തവ സുപ്രഭാതം*
🏵️
*പഞ്ചാനനാബ്ജഭവഷണ്മുഖവാസവാദ്യാഃ*
*ത്രൈവിക്രമാദിചരിതം വിബുധാഃ സ്തുവന്തി*
*ഭാഷാപതിഃ പഠതി വാസരശുദ്ധിമാരാത്*
*ശേഷാദ്രിശേഖരവിഭോ തവ സുപ്രഭാതം*
🏵️
*ഈഷത്പ്രഫുല്ല സരസീരുഹനാരികേല -*
*പൂഗദ്രുമാദിസുമനോഹരപാലികാനാം*
*ആവാതി മന്ദമനിലസ്സഹ ദിവ്യഗന്ധൈഃ*
*ശേഷാദ്രിശേഖരവിഭോ തവ സുപ്രഭാതം*
🏵️
*ഉന്മീല്യ നേത്രയുഗമുത്തമപഞ്ജരസ്ഥാഃ*
*പാത്രാവശിഷ്ടകദളീഫലപായസാനി*
*ഭുക്ത്വാ സലീലമഥ കേളിശുകാഃ പഠന്തി*
*ശേഷാദ്രിശേഖരവിഭോ തവ സുപ്രഭാതം*
🏵️
*തന്ത്രീപ്രകർഷമധുരസ്വനയാ വിപഞ്ച്യാ*
*ഗായത്യനന്തചരിതം തവ നാരദോ‌ഽപി*
*ഭാഷാസമഗ്രമസകൃത്കൃതചാരുരമ്യം*
*ശേഷാദ്രിശേഖരവിഭോ തവ സുപ്രഭാതം*
🏵️
*ഭൃംഗാവലീ ച മകരന്ദരസാനുവിദ്ധ*
*ഝംകാരഗീത നിനദൈഃസഹ സേവനായ*
*നിര്യാത്യുപാന്തസരസീകമലോദരേഭ്യഃ*
*ശേഷാദ്രിശേഖരവിഭോ തവ സുപ്രഭാതം*
🏵️
*യോഷാഗണേന വരദധ്നിവിമഥ്യമാനേ*
*ഘോഷാലയേഷു ദധിമന്ഥനതീവ്രഘോഷാഃ*
*രോഷാത്കലിം വിദധതേ കകുഭശ്ച കുംഭാഃ*
*ശേഷാദ്രിശേഖരവിഭോ തവ സുപ്രഭാതം*
🏵️
*പദ്മേശമിത്രശതപത്രഗതാളിവർഗാഃ*
*ഹർതും ശ്രിയം കുവലയസ്യ നിജാംഗലക്ഷ്മ്യാ*
*ഭേരീ നിനാദമിവ ബിഭ്രതി തീവ്രനാദം*
*ശേഷാദ്രിശേഖരവിഭോ തവ സുപ്രഭാതം*
🏵️
*ശ്രീമന്നഭീഷ്ടവരദാഖിലലോകബന്ധോ*
*ശ്രീ ശ്രീനിവാസ ജഗദേകദയൈകസിന്ധോ*
*ശ്രീ ദേവതാഗൃഹഭുജാന്തര ദിവ്യമൂർത്തേ*
*ശ്രീ വേങ്കടാചലപതേ തവ സുപ്രഭാതം*
🏵️
*ശ്രീ സ്വാമി പുഷ്കരിണികാഽഽപ്ലവ നിർമലാംഗാഃ*
*ശ്രേയോർഥിനോ ഹരവിരിഞ്ചസനന്ദനാദ്യാഃ*
*ദ്വാരേ വസന്തി വരവേത്രഹതോത്തമാംഗാഃ*
*ശ്രീ വേങ്കടാചലപതേ തവ സുപ്രഭാതം*
🏵️
*ശ്രീ ശേഷശൈലഗരുഡാചലവെങ്കടാദ്രി*
*നാരായണാദ്രിവൃഷഭാദ്രിവൃഷാദ്രിമുഖ്യാം*
*ആഖ്യാം ത്വദീയവസതേരനിശം വദന്തി*
*ശ്രീ വേങ്കടാചലപതേ തവ സുപ്രഭാതം*
🏵️
*സേവാപരാഃ ശിവസുരേശകൃശാനുധർമ*-
*രക്ഷോഽoബുനാഥപവമാനധനാധിനാഥാഃ*
*ബദ്ധാഞ്ജലി പ്രവിലസന്നിജശീർഷദേശാഃ*
*ശ്രീ വേങ്കടാചലപതേ തവ സുപ്രഭാതം*
🏵️
*ധാടീഷു തേ വിഹഗരാജമൃഗാധിരാജ -*
*നാഗാധിരാജഗജരാജ ഹയാധിരാജാഃ*
*സ്വസ്വാധികാര മഹിമാധികമർഥയന്തേ*
*ശ്രീ വേങ്കടാചലപതേ തവ സുപ്രഭാതം*
🏵️
*സൂര്യേന്ദുഭൗമബുധവാക്പതികാവ്യസൗരി*
*സ്വർഭാനുകേതുദിവിഷത്പരിഷത്പ്രധാനാഃ*
*ത്വദ്ദാസദാസചരണാവധി ദാസദാസാഃ*
*ശ്രീ വേങ്കടാചലപതേ തവ സുപ്രഭാതം*
🏵️
*ത്വത്പാദധൂളിഭരിതസ്ഫുരതോത്തമാംഗാഃ*
*സ്വർഗാപവർഗനിരപേക്ഷനിജാന്തരംഗാഃ*
*കല്പാഗമാഽഽകലനയാ‌ഽഽകുലതാം ലഭന്തേ*
*ശ്രീ വേങ്കടാചലപതേ തവ സുപ്രഭാതം*
🏵️
*ത്വദ്ഗോപുരാഗ്രശിഖരാണി നിരീക്ഷമാണാഃ*
*സ്വർഗാപവർഗപദവീം പരമാം ശ്രയന്തഃ* 
*മർത്യാ മനുഷ്യഭുവനേ മതിമാശ്രയന്തേ*
*ശ്രീ വേങ്കടാചലപതേ തവ സുപ്രഭാതം*
🏵️
*ശ്രീ ഭൂമിനായക ദയാദിഗുണാമൃതാബ്ധേ*
*ദേവാധിദേവ ജഗദേകശരണ്യമൂർത്തേ*
*ശ്രീമന്നനന്ത ഗരുഡാദിഭിരർചിതാംഘ്രേ*
*ശ്രീ വേങ്കടാചലപതേ തവ സുപ്രഭാതം*
🏵️
*ശ്രീ പദ്മനാഭ പുരുഷോത്തമ വാസുദേവ*
*വൈകുണ്ഠ മാധവ ജനാർദ്ദന ചക്രപാണേ*
*ശ്രീവത്സചിഹ്ന ശരണാഗതപാരിജാത*
*ശ്രീ വേങ്കടാചലപതേ തവ സുപ്രഭാതം*
🏵️
*കന്ദർപദർപഹരസുന്ദര ദിവ്യമൂർത്തേ*
*കാന്താകുചാംബുരുഹ കുഡ്മളലോലദൃഷ്ടേ*
*കല്യാണനിർമലഗുണാകര ദിവ്യകീർത്തേ*
*ശ്രീ വേങ്കടാചലപതേ തവ സുപ്രഭാതം*
🏵️
*മീനാകൃതേ കമഠ കോല നൃസിംഹ വർണിൻ*
*സ്വാമിൻ പരശ്വഥതപോധന രാമചന്ദ്ര* 
*ശേഷാംശരാമ യദുനന്ദന കല്കിരൂപ*
*ശ്രീ വേങ്കടാചലപതേ തവ സുപ്രഭാതം*
🏵️
*ഏലാലവംഗഘനസാരസുഗന്ധിതീർത്ഥം*
*ദിവ്യം വിയത്സരിതി ഹേമഘടേഷു പൂർണം*
*ധൃത്വാഽഽദ്യ വൈദികശിഖാമണയഃ പ്രഹൃഷ്ടാഃ*
*തിഷ്ഠന്തി വേങ്കടപതേ തവ സുപ്രഭാതം*
🏵️
*ഭാസ്വാനുദേതി വികചാനി സരോരുഹാണി*
*സംപൂരയന്തി നിനദൈഃ കകുഭോ വിഹംഗാഃ*
*ശ്രീവൈഷ്ണവാഃ സതതമർത്ഥിത മംഗളാസ്തേ*
*ധാമാഽഽശ്രയന്തി തവ വേങ്കട സുപ്രഭാതം*
🏵️
*ബ്രഹ്മാദയഃ സുരവരാസ്സ മഹർഷയസ്തേ*
*സന്തസ്സനന്ദന മുഖാസ്ത്വഥ യോഗിവര്യാഃ*
*ധാമാന്തികേ തവ ഹി മംഗളവസ്തു ഹസ്താഃ*
*ശ്രീ വേങ്കടാചലപതേ തവ സുപ്രഭാതം*
🏵️
*ലക്ഷ്മീനിവാസ നിരവദ്യഗുണൈകസിന്ധോ*
*സംസാരസാഗരസമുത്തരണൈകസേതോ*
*വേദാന്തവേദ്യ നിജവൈഭവ ഭക്തഭോഗ്യ*
*ശ്രീ വേങ്കടാചലപതേ തവ സുപ്രഭാതം*
🏵️
*ഇത്ഥം വൃഷാചലപതേരിഹ സുപ്രഭാതം*
*യേ മാനവാഃ പ്രതിദിനം പഠിതും പ്രവൃത്താഃ*
*തേഷാം പ്രഭാതസമയേ സ്മൃതിരങ്കഭാജാം*
*പ്രജ്ഞാം പരാർത്ഥ സുലഭാം പരമാം പ്രസൂതേ*
🕉🕉🕉