*🔱🔥മൃത്യുഞ്ജയായ നമഃ🔥🔱*

               *മഹാമൃത്യുഞ്ജയം*
                         വ്യാഖ്യാനം

*🕉️19 മൃത്യുഹനനമോ മൃത്യുഞ്ജയമോ*🕉️

           *മനുഷ്യജീവിതത്തിന്റെ ലക്ഷ്യം അമൃതപ്രാപ്തിയാണ് . അമൃത പ്രാപ്തിക്ക് ലഭിച്ചിരിക്കുന്ന സമയത്തിന്റെ പേരാണ് ആയുസ്സ് . ഇത് നൂറുവർഷമാണെന്ന് വേദങ്ങളിൽ അളന്നിരിക്കുന്നു . സന്ധ്യാവന്ദനത്തിൽ ജീവേമശരദഃ ശതമ് എന്നു പ്രാർഥിക്കാറുണ്ട് . അമൃതോപലബ്ദിവരെ മൃത്യുവിനെ അടുത്തെങ്ങും അടുപ്പിക്കാതിരിക്കുന്നതാണ് മൃത്യുഞ്ജയം . എങ്ങാനും അടുത്തുവന്നാൽ അടിച്ചുപായിച്ചു കളയുകയും വേണം . അല്ലെങ്കിൽ ലക്ഷ്യപൂർത്തിയ്ക്കു മുൻപേ ജീവിതച്ചരട് അറ്റുപോകും .*

               *മൃത്യുഞ്ജയ മന്ത്രത്തിൽ മൃത്യുവിനെ ജയിയ്ക്കാനുള്ള ഉപായം വർണിച്ചിരിക്കുന്നു . ജീവിതപ്പഴം പാകമാകണമെങ്കിൽ ബ്രഹ്മത്തെ ആഹാരമാക്കണമെന്ന് ഇതിൽ പറയുന്നു . പ്രകൃതിവള്ളിയാണ് മാധ്യമം . ഇതിനെ മർത്ത്യവള്ളിയെന്നു പറയും . മൃത്യുവിനാൽ നിർമിതമായ വള്ളിയെ മൃത്യു അപഹരിക്കുന്നു . ഇത് മൃത്യുവിന്റെ അധികാരമാണ് . ബ്രഹ്മവും ജീവനും അമരരാണ് . മർത്ത്യവള്ളി മരിക്കുന്നതും .*

               *ജീവിതച്ചരടായ പ്രാണതന്തു ഇടയ്ക്കെങ്ങാനും മുറിഞ്ഞുപോയാൽ ജീവിതപ്പഴം പാകമാകുകയില്ല . ആ ചരടിനെ മുറിയ്ക്കുന്നത് മൃത്യുവാണ് . അതിനാൽ സമയത്തിനു മുൻപ് മൃത്യുവിനെ സമീപത്തു വരുത്താതിരിക്കുന്നതാണ് മൃത്യുഞ്ജയം , അമൃതത്വം നേടണം . അതിനു നൂറുവർഷം ജീവിച്ചിരിക്കണം . ഈ നൂറുവർഷത്തെ ജീവിതാവധി അമൃതത്വം പ്രാപിക്കാൻ പോന്ന അവധിതന്നെയാണ് . _ഏതദ്വൈ മനുഷ്യസ്യാ മൃതത്വം യത്സര്വമായുരേതി . യ ഏഷ ശതം വര്ഷാണി യോവാഭൂയാംസി ജീവതി , ഹൈവൈതത് അമൃതമാപ്നോതി_ – മനുഷ്യന്റെ അമൃതത്വം പൂർണായുസ്സിൽ പ്രാപിക്കുന്നു – നൂറുവർഷമോ അതിലധികമോ കാലം ജീവിക്കുന്നവർ അമൃതത്വം പ്രാപിക്കുന്നു . ( ശതപഥം 9.5.1.10 )*

             *പ്രകൃതിവള്ളി ത്ര്യംബകഭഗവാനിൽനിന്ന് രസം കൈക്കൊണ്ട് ഉര്വാതകം വരെ എത്തിക്കുന്നു . വള്ളിയിൽ ചേർന്ന ഫലം ഭൂമിയിൽ നിന്ന് രസം നുകർന്ന് പരിപക്വമാകുന്നു . അകത്തുനിന്ന് രസം ഗ്രഹിക്കുന്നതാണ് പ്രത്യാഹാരം . ആഹാരത്തിനു വിപരീതമായ ആഹാരം . ഇതാണിതിന്റെ ബ്രഹ്മചര്യം . മൃത്യുഞ്ജയത്തിന്റെ ഏക ഉപായമാണിത് …….🙏🏻*

*ഹരേ കൃഷ്ണാ….🙏🏻*

*ഹര ഹര മഹാദേവാ…..🌻*

*ഓം സച്ചിദാനന്ദേശ്വരായ നമോനമഃ*

കടപ്പാട്: നരേന്ദ്രഭൂഷൺ
✍🏻 അജിത്ത് കഴുനാട്
©️കണ്ണനും കൂട്ടുകാരും

*🔱🔥മൃത്യുഞ്ജയായ നമഃ🔥🔱*