🙏 സ്വാമിയേ ശരണമയ്യപ്പാ …. 🙏

ശ്രീശബരിഗിരീശാഷ്ടകം

യജന സുപൂജിത യോഗിവരാർചിത യാദുവിനാശക യോഗതനോ
യതിവര കൽപിത യന്ത്രകൃതാസന യക്ഷവരാർപിത പുഷ്പതനോ
യമനിയമാസന യോഗിഹൃദാസന പാപ നിവാരണ കാലതനോ
ജയ ജയ ഹേ ശബരീഗിരി മന്ദിര സുന്ദര പാലയ മാമനിശം .. 1

മകര മഹോത്സവ മംഗലദായക ഭൂതഗണാവൃത ദേവതനോ
മധുരിപു മന്മഥ മാരകമാനിത ദീക്ഷിതമാനസ മാന്യതനോ
മദഗജ സേവിത മഞ്ജുല നാദക വാദ്യ സുഘോഷിത മോദതനോ
ജയ ജയ ഹേ ശബരീഗിരി മന്ദിര സുന്ദര പാലയ മാമനിശം .. 2

ജയ ജയ ഹേ ശബരീഗിരി നായക സാധയ ചിന്തിതമിഷ്ടതനോ
കലിവരദോത്തമ കോമല കുന്തല കഞ്ജസുമാവലികാന്ത തനോ
കലിവരസംസ്ഥിത കാലഭയാർദിത ഭക്തജനാവനതുഷ്ടമതേ
ജയ ജയ ഹേ ശബരീഗിരി മന്ദിര സുന്ദര പാലയ മാമനിശം .. 3

നിശിസുര പൂജന മംഗലവാദന മാല്യവിഭൂഷണ മോദമതേ
സുരയുവതീകൃത വന്ദന നർതന നന്ദിത മാനസ മഞ്ജുതനോ
കലിമനുജാദ്ഭുത കൽപിത കോമല നാമ സുകീർതന മോദതനോ
ജയ ജയ ഹേ ശബരീഗിരി മന്ദിര സുന്ദര പാലയ മാമനിശം .. 4

അപരിമിതാദ്ഭുത ലീല ജഗത്പരിപാല നിജാലയ ചാരുതനോ
കലിജനപാലന സങ്കടവാരണ പാപജനാവനലബ്ധതനോ
പ്രതിദിവസാഗത ദേവവരാർചിത സാധുമുഖാഗത കീർതിതനോ
ജയ ജയ ഹേ ശബരീഗിരി മന്ദിര സുന്ദര പാലയ മാമനിശം .. 5

കലിമല കാലന കഞ്ജവിലോചന കുന്ദസുമാനന കാന്തതനോ
ബഹുജനമാനസ കാമസുപൂരണ നാമജപോത്തമ മന്ത്രതനോ
നിജഗിരിദർശന യാതുജനാർപിത പുത്രധനാദിക ധർമതനോ
ജയ ജയ ഹേ ശബരീഗിരി മന്ദിര സുന്ദര പാലയ മാമനിശം .. 6

ശതമുഖപാലക ശാന്തിവിദായക ശത്രുവിനാശക ശുദ്ധതനോ
തരുനികരാലയ ദീനകൃപാലയ താപസമാനസ ദീപ്തതനോ
ഹരിഹരസംഭവ പദ്മസമുദ്ഭവ വാസവ ശംബവ സേവ്യതനോ
ജയ ജയ ഹേ ശബരീഗിരി മന്ദിര സുന്ദര പാലയ മാമനിശം .. 7

മമകുലദൈവത മത്പിതൃപൂജിത മാധവ ലാലിത മഞ്ജുമതേ
മുനിജനസംസ്തുത മുക്തിവിദായക ശങ്കര പാലിത ശാന്തമതേ
ജഗദഭയങ്കര ജന്മഫലപ്രദ ചന്ദനചർചിത ചന്ദ്രരുചേ
ജയ ജയ ഹേ ശബരീഗിരി മന്ദിര സുന്ദര പാലയ മാമനിശം .. 8

അമലമനന്ത പദാന്വിത രാമ സുദീക്ഷിത സത്കവിപദ്യമിദം
ശിവ ശബരീഗിരി മന്ദിര സംസ്ഥിത തോഷദമിഷ്ടദം ആർതിഹരം
പഠതി ശൃണോതി ച ഭക്തിയുതോ യദി ഭാഗ്യസമൃദ്ധിമഥോ ലഭതേ
ജയ ജയ ഹേ ശബരീഗിരി മന്ദിര സുന്ദര പാലയ മാമനിശം .. 9

ഇതി ശ്രീ ശബരീഗിരിശാഷ്ടകം സമ്പൂർണം ..