🔥 *നരസിംഹമൂർത്തി🔥*

സ്തംഭം പിളർക്കുന്ന ഹുങ്കാര ശബ്ദം 
ദിഗന്തം നടുങ്ങുന്ന
ദുന്തുഭി നാദം.

ശതകോടി  സൂര്യന്മാർ എരിയും ത്രിനേത്രം ചുടുനിണം  തേടുന്ന ചുരികപോൽ നാവ്.

മരണം വിളങ്ങുന്ന അതിക്രൂര ദംഷ്ട്രം
പ്രളയാഗ്നി ചുഴി തീര്‍ത്ത ജട സടാ കേസരം.

പ്രഹരണം പേറുന്നോരഷ്ടഭുജങ്ങള്‍
ആകാശസീമയ്ക്കനന്തമാം ദേഹം.

ത്രിലോകം നടുങ്ങുന്ന നരസിംഹ രൂപം
ത്രിലോകം നടുങ്ങുന്ന നരസിംഹ രൂപം….

നരനല്ല മൃഗമല്ല നരസിംഹ രൂപം.
രാവല്ല പകലല്ല നിറസന്ധ്യനേരം.

അകമല്ല പുറമല്ല ഉമ്മറപ്പടിയില്‍
വിണ്ണല്ല മണ്ണല്ല തിരുമടിത്തട്ടില്‍

ദൈത്യന്‍റെ പ്രാണനില്‍ ആ സന്ധ്യ നേരം
കുടൽമാല രുധിരവും അണിയുന്ന രൂപം.

ബ്രഹ്മാണ്ഡസത്യങ്ങള്‍ കാക്കുന്ന ദേവന്‍
ഭക്തന്‍റെ രക്ഷക്ക് നിമിഷാര്‍ദ്ധനേരം.

ആ ദിവ്യദര്‍ശനം പ്രഹ്ളാദപുണ്യം 
ആ ദിവ്യദര്‍ശനം പ്രഹ്ളാദപുണ്യം

കലിയില്‍ കാലമാം വേതാള പുറമേറി
മനമാകെ മരുവുന്ന നേരം

നാമ ജപങ്ങളും നാമ മന്ത്രങ്ങളും നന്മയും
നാട്ടിൽ വിളങ്ങുന്ന കാലം. 


ഓം നരസിംഹ രൂപായ നമോ നമ:

ഓം ഉഗ്രസിംഹ രൂപായ നമോ നമ:

ഓം രണസിംഹ രൂപായ നമോ നമ:

ഓം രൗദ്രസിംഹ രൂപായ നമോ നമ:


നാരായണായ നമ:  നാരായണായ നമ:
നാരായണായ നമ: നാരായണായ:🙏🙏

🔥🔥🔥🔥🔥🔥🔥🔥🔥