*🛕ക്ഷേത്ര പരിചയം BGG യിലൂടെ🛕*

*🚩മനുഷ്യരൂപം പൂണ്ട നാഗങ്ങളെത്തുന്ന ക്ഷേത്രം! കേരളത്തിലെ ഒരേയൊരു ഗരുഡ ക്ഷേത്രം!*

*ഉഗ്രവിഷമുള്ള സർപ്പവുമായി ഭക്‌തർ ഇവിടെയെത്തും. ഗരുഡ പക്ഷാക്ഷരീ മന്ത്രം ജപിച്ച് പൂജാരി തീർത്ഥം തളിക്കുന്നതോടെ സർപ്പം തെക്കുഭാഗത്തേക്ക് ഇഴഞ്ഞു പോകും പിന്നെ ആർക്കുമതിനെ കാണാനാവില്ല! ഗരുഡൻ കാവ് ക്ഷേത്രത്തിലെ വിശേഷങ്ങൾ ഏറെയാണ്. ഭക്തിയോടെ വായിക്കാം.*

*കേരളത്തിലെ ഏക ഗരുഡ ക്ഷേത്രമാണ് തിരൂർ തൃപ്രങ്ങോട് ആലത്തിയൂർ വെള്ളാമശ്ശേരി ഗരുഡൻ കാവ് ക്ഷേത്രം. ആദിയും ഒടുക്കവുമില്ലാത്ത ഈശ്വരനാണ് ഗരുഡൻ, സാക്ഷാൽ മഹാവിഷ്‌ണുവിൻ്റെ വാഹനം. സർപ്പദോഷങ്ങൾക്കും ത്വക് രോഗങ്ങൾക്കും പക്ഷിപീഡകൾക്കുള്ള ശമനത്തിനും ഈ ക്ഷേത്രത്തിലെത്തി ഗരുഡ ഭഗവാനെ സ്‌തുതിക്കുന്നവർ ഏറെയാണ്.*

*ഗോപുരം കടന്നു ചെന്നാൽ ശ്രീകോവിലിൽ കൂർമാവതാരത്തിലുള്ള മഹാവിഷ്ണുവിനെ കാണാം. ഭഗവാനെ പ്രദക്ഷിണം വച്ച് പിന്നിലേക്കു ചെല്ലുമ്പോൾ ഗരുഡനെയും കാണാം. ഗരുഡൻ്റെ പറക്കുന്ന രൂപത്തിലുള്ള വിഗ്രഹം ഇവിടെ മാത്രമാണുള്ളത്.*

*ഞായറാഴ്ചകളാണ് ഇവിടെ പ്രധാനം. 3 ഞായറാഴ്‌ചകൾ മുടങ്ങാതെ ഇവിടെയെത്തി ദർശനം നടത്തിയാൽ ഒരു വർഷത്തെ ദർശനപുണ്യം ലഭിക്കുമെന്നാണ് പറയുന്നത്.*

*മണ്ഡലകാലത്തെ ഞായറാഴ്‌ചകൾ അതിപ്രധാനമാണ്. ആയിരങ്ങളാണ് ഇവിടെയെത്തി തൊഴുതു മടങ്ങാറുള്ളത്. ഈ സമയം മനുഷ്യരൂപം പൂണ്ട് നാഗങ്ങളുമെത്തുമെന്നാണ് വിശ്വാസം. ഗരുഡനെ കണ്ടു തൊഴുത് സങ്കടമുണർത്തിച്ച് അനുഗ്രഹം വാങ്ങി ആരുമറിയാതെ നാഗങ്ങൾ മടങ്ങുമത്രേ!*

*ഗരുഡനെ പ്രീതിപ്പെടുത്തിയാൽ സർവ സർപ്പദോഷങ്ങളിൽ നിന്നും പരിഹാരമുണ്ടാകും. ഉഗ്ര സർപ്പങ്ങളെ പിടികൂടി മൺകുടത്തിൽ വച്ചടച്ച് ക്ഷേത്രത്തിൽ കൊണ്ടുവരുന്നവരുണ്ടായിരുന്നു. ഗരുഡ പഞ്ചാക്ഷരീ മന്ത്രം ജപിച്ച് പൂജാരി തീർഥം തളിക്കുന്നതോടെ സർപ്പം തെക്കോട്ടു ഇഴഞ്ഞു പോകും. പിന്നെ ആർക്കും കാണാനാകില്ല. പിടികൂടുന്ന പാമ്പുകളെ ക്ഷേത്രവളപ്പിൽ കൊണ്ടു വിടുന്നവരുമുണ്ടായിരുന്നു. എന്നാൽ ഇത്രയേറെ സർപ്പങ്ങളെ ഇവിടെ എത്തിച്ചിട്ടും ക്ഷേത്രത്തിലോ, പരിസരങ്ങളിലോ ആർക്കും ഇതുവരെ യാതൊരു ഉപദ്രവങ്ങളുമുണ്ടായിട്ടില്ല. അത്തരമൊരു കാര്യം കേട്ടുകേൾവി പോലുമില്ല.*

*ത്വക് രോഗങ്ങൾ, വായ്പ്പുണ്ണ്. ചൊറി, ചിരങ്ങ്, പാണ്ട് എന്നീ രോഗങ്ങൾക്കും ഇവിടെ വഴിപാടുകളുണ്ട്.*

*ക്ഷേത്രത്തിലെത്താൻ തിരൂർ – ചമ്രവട്ടം റോഡിലെ പൂഴികുന്നിൽ നിന്ന് പടിഞ്ഞാറോട്ടുള്ള വഴി.*

*(കടപ്പാട്)*

*🚩🕉️🔯🛕 BGG 🛕🔯🕉️🚩*