*🙏സപ്‌തസ്വര കീർത്തനം🙏*

മാതംഗി  ജയ ഭഗവതി ജയ ജയ
ജയ ജയ ഭഗവതി നീയേ ശരണം
മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം

സരസിജ നയനേ പരിമള ഗാത്രി
സുരജന വന്ദ്യേ ചാരു പ്രസന്നേ
കരുണാ പൂര തരംഗമതായൊരു
മാതംഗി ജയ ഭഗവതി ജയ ജയ

മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം

രീതികൾ എല്ലാം നീതിയിൽ നൽകും
മംഗള രൂപ ചേതസ്സിങ്കൽ
ജാത കുതൂഹം നടമാടീടിന
മാതംഗി  ജയ ഭഗവതി ജയ ജയ

മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം

ഗളതല വിലസിന താലികൾ മാലകൾ
അകമേ കാണ്മതിനരുളുക ദേവി
വിലസിത മധു മൊഴി കേട്ടാകേണം
മാതംഗി ജയ ഭഗവതി ജയ ജയ

മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം

മദന ചൂടു പൊറുക്കരുതാഞ്ഞിട്ടാ-
-ദരവോടെ വന്നൊരു ദൈത്യനെ
വേദനയോടെ യമപുരി ചേർത്തൊരു
മാതംഗി ജയ ഭഗവതി ജയ ജയ

മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം

പരിചിൽ പാടും നാദം കൊണ്ടും
ത്രിഭുവനമഖിലം മോഹിപ്പിക്കും
ഗിരിവര കന്യേ സുലളിത വക്ത്രേ
മാതംഗി ജയ ഭഗവതി ജയ ജയ

മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം

ധാത്രിയിലമ്പോടു നടമാടീടിന
ചിത്രമതായൊരു സാരഥിയോടും
വൃത്രാരീശനെ മുമ്പാക്കീടിന
മാതംഗി ജയ ഭഗവതി ജയ ജയ

മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം

നിടിലേ വിലസിന തിലകം കൊണ്ടും
തടമുല മദ്ധ്യേ മാലകൾ കൊണ്ടും
ചടുലത പെരുകിന പീതാംബരവും
മാതംഗി ജയ ഭഗവതി ജയ ജയ

മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം

സാരമതായൊരു സപ്ത സ്വരമിത്
നേരെ ചൊല്ലി സ്തുതി ചെയ് വോർക്കിഹ
നേരെ പാർത്തു പ്രസാദിച്ചീടുക
മാതംഗി ജയ ഭഗവതി ജയ ജയ

മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം
മാതംഗി ജയ ഭഗവതി ജയ ജയ
ജയ ജയ ഭഗവതി നീയേ ശരണം