*🙏🕉️ദാമോദര സ്തുതി🕉️🙏*

*നാമങ്ങളൊക്കെയും ദാമങ്ങളാക്കി* *ഞാൻ*
*ദാമോദരാ നിന്നെ* *ബന്ധിക്കട്ടെ*
*ബന്ധങ്ങളെല്ലാം വെടിഞ്ഞു* *ഞാൻ പോവുമ്പോൾ*
*ബന്ധുവായ് നീയെന്റെ കൂടെ വേണം*

*കണ്ണാണെനിക്കു നീ കണ്ണാ* *വിളിക്കട്ടെ*
*ഓടി* *നടക്കുമ്പോൾ ബാലകൃഷ്ണാ*
*ഗോവിനെ ചാരി നീ* *ഗോപാലകൃഷ്ണനായ്*
*കാലിയെ മേക്കുമ്പോൾ ഗോപാലനായ്*

*ഗോവർദ്ധനം പൊക്കി* *ഗോവിന്ദനുമായി*
*കേശിയെ* *കൊന്നൊരു കേശവനായ്*
*അമ്മയുരലിന്മേൽബന്ധിച്ച നേരത്തു*
*ദാമോദരനായ് വിളങ്ങി നിന്നു*.

*കാളിയദർപ്പമകറ്റി മധു സൂദനനായ്‌*
*മധുവിനെ* *തീർത്തു മധുസൂദനൻ*
*യമുന തൻ* *തീരത്തു വേണുഗോപാലനായ്*
*ഗോപി കാ മധ്യത്തിൽ മുരളീധരൻ*

*കംസനെ കൊന്നു നീ* *ശക്തീധരനായി*
*വസുദേവ* *പുത്രനാം* *വാസുദേവൻ*
*ശ്രീ കൃഷ്ണനായ് ചെന്നു* *രുഗ്മിണിയെ വേട്ടു*
*ലക്ഷ്മി മാറിൽ വാണ ശ്രീധരനും*

*ഭാമക്കു വല്ലഭൻ ഭൂലോകസുന്ദരൻ*
*ജാംബവതീ പതി അംബുജാക്ഷൻ*
*ഭക്തകുചേലന്നു സഖിയായ നീയല്ലേ*
*അച്ചുതാ ആനന്ദദേവ ദേവാ*

*പാർത്ഥന്റെ തേരു തെളിച്ചതുകൊണ്ടൊരു*
*പാർത്ഥസാരഥി യെന്നു പേരും വന്നു*.
*ബ്രാഹ്മണ* *വൃദ്ധന്റെ സന്താന പാലനം*
*സന്താനഗോപാലമൂർത്തിയാക്കി*.

*എത്ര നാമങ്ങളാൽ കോർത്താലു മീദാമം*
*പോരായിരുവിരൽ ബന്ധിക്കാനായ്*
*നാമജപം ഞാൻ തുടരാം* *എനിക്കെന്റെ ദാമോദരബന്ധം തന്നെ ലക്ഷ്യം*….🙏

*🙏സന്ധ്യാദീപം നമോസ്തുതേ🙏*                                                           🪔🪔🪔🪔🪔🪔🪔🪔🪔🪔