🌸🌸🌸കാർത്യായനീസ്തോത്രം🌸🌸🌸

“കന്മഷനാശിനി കാരുണ്യശാലിനി നിർമ്മലരൂപിണി കൈതൊഴുന്നേൻ
കാലിണ കൈതൊഴുതീടും ജനങ്ങൾക്കു
കാലേ ഭയമൊഴിച്ചീടും നാഥേ… 🙏
കിം പുരുഷന്മാരിൽ മുമ്പനും നിൻപദ-
മമ്പോടു സേവിച്ചു വാണിടുന്നു.
കീർത്തി പെരുത്തൊരു കാർത്ത്യായനി ദേവീ കാൽത്തളിരെപ്പോഴും വന്ദിക്കുന്നേൻ.. 🙏
കുണ്ഠത തീർത്തെന്നെ രക്ഷിച്ചുകൊള്ളണം തണ്ടാർശരാന്തകജായേ ദേവീ!
കൂടലർ തങ്ങടെ കൂട്ടം മുടിക്കുന്ന ക്രൂരപരാക്രമമുള്ള നാഥേ;
കെല്പേറുമംബികേ മൽപാപം തീർത്തെന്നിൽ ത്വൽപാദഭക്തി വരുത്തിടേണം.. 🙏
കേടുകളൊക്കെ കളഞ്ഞരുളീടണം
കോടി കടാക്ഷമരുളുമംമ്പ
കൈതൊഴുതീടുന്നേൻ, ചെയ്തോരു
                                                ദോഷങ്ങൾ
കൈതവമെന്നിയേ നീക്കിടേണം.. 🙏
കൊണ്ടൽ നിറം പൂണ്ട നിന്തിരുമെയ് മമ
കണ്ടു തൊഴുവാൻ കഴിവരേണം
കോപിച്ചടുത്ത മഹിഷാസുരനായ പാപിയെപ്പോരിൽ വധിച്ച നാഥേ
കൗതുകമെപ്പൊഴും നിങ്കഥചൊല്ലുവാൻ ചേതസ്സിലെപ്പൊഴും തോന്നിക്കണേ!.. 🙏
കർത്തവ്യമെന്തെന്നു ചിത്തേ തിരിയാഞ്ഞു
മർത്ത്യരുഴലുന്നു മായയാലെ
ദുർമ്മുഖമൊക്കവേ ദൂരേയകറ്റണം നിർമ്മലജ്ഞാനമുളവാക്കേണം
മറ്റു പിഴകൾ ഞാൻ ചെയ്തുപോയെങ്കിലും
ചെറ്റുമതുള്ളിൽ ക്കരുതീടൊല്ലേ
മറ്റെനിക്കാശ്രയമില്ല മഹേശ്വരി
കുറ്റങ്ങൾ തീർത്തെന്നെ രക്ഷിക്കേണം.. 🙏
ആതുരഭാവം കളഞ്ഞരുളീടണ- മാദരമാർന്നെഴും തമ്പുരാട്ടി….. 🙏🙏🙏
🌸ഇസ്തുതി നിത്യവും ചൊല്ലും ജനങ്ങൾക്കു
സമ്പത്തു വർദ്ധിക്കും മേൽക്കുമേലെ
ദുർഗ്ഗ ഭഗവതീ!ദേവീ മഹേശ്വരി
ഭക്തപ്രിയേ ദേവി കൈതൊഴുന്നേൻ.. 🙏🙏

      🌼 **** ഒരു പഴയ പുസ്തകത്തിൽ നിന്ന്.

ദേവീ സ്മരണയുള്ള ഭക്തന്റെ ഹൃദയത്തിലെ ഇരുട്ട്, ദേവീ സ്മരണയുണ്ടാകുന്ന നിമിഷം തന്നെ നശിക്കും. പൂർവ്വ പുണ്യം കൊണ്ടു മാത്രമേ ദേവിയെ സ്തുതിക്കാനും പൂജിക്കാനും സാധിക്കുകയുള്ളൂ.🙏🙏