HOMENEW18

*🙏🏻ശിവപ്രസാദപഞ്ചകം.*


*📚 ശിവൻ ബ്രഹ്മപ്രതീകമെന്ന് പ്രകീർത്തിക്കുന്ന നാമാവലികൾ കോർത്തിണക്കിയ അഞ്ചു ശ്ലോകങ്ങൾ ഉളളടങ്ങിയ ലഘുസ്തോത്രമാണ് ശിവപ്രസാദപഞ്ചകം.1887 ന്  ശേഷമാണ് ഇതിന്റെ രചന എന്ന് നടരാജഗുരു സൂചിപ്പിച്ചിരിക്കുന്നു. മംഗളസ്വരൂപിയായവനേ , സംഹാരമൂർത്തിയായവനേ , മംഗളത്തെ പ്രധാനംചെയ്യുന്നവനേ , അഭയം നൽകുന്നവനേ , നിഗ്രഹാനുഗ്രഹ ശക്തിയുളളവനേ , ജനനമരണസംസാരരോഗങ്ങൾ ഇല്ലായ്മ ചെയ്രുന്നവനേ , സംസാരനാടകം നടിക്കുന്ന അരുംപൊരുളേ , രക്ഷിക്കണേ എന്നാണ് പ്രാർത്ഥനയുടെ തുടക്കം.  ധനമെന്നും ദേഹമെന്നും സന്തതിയെന്നും , ആയുസ്സെന്നും , ഒക്കെപ്പറയുന്നത് സത്യത്തിൽ നിന്ന് അകറ്റി ദുഃഖിപ്പിക്കുന്ന കാരണങ്ങളാണ്.  ആ വക ചിന്തകൾ എല്ലാം കളഞ്ഞ് , സംസാരസാഗരത്തിൽ എൻ്റെതെന്ന ചിന്തയിൽ പറ്റിപ്പിടിക്കാൻ ഇടയാകാതെ , അകവും പുറവും നിറഞ്ഞു നിൽക്കുന്ന മംഗളരൂപിയായ ഭഗവാൻ കാത്തു രക്ഷിക്കണം…*


*📚 സംസാരബന്ധം പിടിപെട്ട് അതിൽ മുഴുകി വിഷയങ്ങളിൽ കിടന്ന് ഉരുണ്ടു മറിഞ്ഞ് , ശരീരമാകുന്ന ശവക്കുഴിയിൽ താമസിച്ച് സത്വരജസ്തമോഗുണങ്ങളുടെ പ്രേരണയാൽ വിഷയങ്ങൾ ആസ്വദിച്ചു കഴിയുന്ന എന്റെ കുടിനീർ അടിയോടെ അറുത്ത് നീ ഉളളിൽ നിറഞ്ഞിരിക്കുക. പ്രപഞ്ചരക്ഷാർത്ഥം വിഷമുള്ളകറുത്ത കഴുത്തോടുകൂടിയ നീ അളവില്ലാത്തവനാണ്… കാരുണ്യത്തോടെ വിഷയാസക്തിയാകുന്ന രസക്കനി തട്ടിത്തെറിപ്പിച്ച് കൈകഴുകി , കേവലമായ മുക്തി പഴുത്ത് ധാരാളമായി വർഷിക്കുന്ന കനകക്കൊടിയേ , ആ കഴൽ തന്നാലും.  ശിവപ്രസാദം കൊണ്ടേ ഭൗതിക ബന്ധങ്ങൾ അറുക്കാൻ കഴിയൂ.  ശിവപാദത്തോട് ചേരുക എന്നതു മാത്രമാണ് ഈ സംസാരസാഗരത്തിൽ നിന്ന് രക്ഷ നേടാനുളള ഒരേ ഒരു വഴി…*


( ചെറുതെങ്കിലും അതിമനോഹരമായ സ്തോത്രമാണ് ശിവപ്രസാദപഞ്ചകം )