HOMENEW18

*🧞‍♀️നിത്യം ജപിക്കേണ്ട ശ്ലോകങ്ങൾ.🧞‍♀️*

പീതാംബരം കരവിരാജിതശംഖചക്ര കൗമോദകീസരസിജം കരുണാസമുദ്രം .
രാധാസഹായമതിസുന്ദരമന്ദഹാസം വാതാലയേശമനിശം ഹൃദി ഭാവയാമി ..

മൂകം കരോതി വാചാലം പംഗും ലംഘയതേ ഗിരിം .
യത്കൃപാ തമഹം വന്ദേ പരമാനന്ദമാധവം ..

വന്ദേ നന്ദവ്രജസ്ത്രീണാം പാദരേണുമഭീക്ഷ്ണശഃ .
യാസാം ഹരികഥോദ്ഗീതം പുനാതി ഭുവനത്രയം ..

കോമളം കൂജയൻ വേണും ശ്യാമളോഽയം കുമാരകഃ .
വേദവേദ്യം പരം ബ്രഹ്മ ഭാസതാം പുരതോ മമ ..

ഓം നമഃശ്രീഗണേശശാരദാഗുരുഭ്യോ നമഃ . അവിഘ്നമസ്തു .

അഗജാനനപദ്മാർകം ഗജാനനമഹർനിശം .
അനേകദന്തം ഭക്താനാമേകദന്തമുപാസ്മഹേ ..

ശ്രീമഹാഗണപതയേ നമഃ .

ഗുരവേ സർവലോകാനാം ഭിഷജേ ഭവരോഗിണാം .
നിധയോ സർവവിദ്യാനാം ശ്രീദക്ഷിണാമൂർതയേ നമഃ ..

അസ്മദ്ഗുരുചരണാരവിന്ദാഭ്യാം നമഃ .

ജ്ഞാനാനന്ദമയം ദേവം നിർമലസ്ഫടികാകൃതിം .
ആധാരം സർവവിദ്യാനാം ഹയഗ്രീവമുപാസ്മഹേ ..

ശ്രീഹയഗ്രീവമൂർതയേ നമഃ .

സരസ്വതി നമസ്തുഭ്യം വരദേ കാമരൂപിണി .
വിദ്യാരംഭം കരിഷ്യാമി സിദ്ധിർഭവതു മേ സദാ ..

ശ്രീമഹാസരസ്വത്യൈ നമഃ .

ഉമാകോമളഹസ്താബ്ജസംഭാവിതലലാടകം .
ഹിരണ്യകുണ്ഡലം വന്ദേ കുമാരം പുഷ്കലസ്രജം ..

ശക്തിധരശ്രീസുബ്രഹ്മണ്യസ്വാമിനേ നമഃ .

ഭൂതനാഥ സദാനന്ദ സർവഭൂതദയാപര .
രക്ഷ രക്ഷ മഹാബാഹോ ശാസ്ത്രേ തുഭ്യം നമോ നമഃ ..

സ്വാമി ശ്രീശബരീശശാസ്താരം ശരണം ഗച്ഛാമി .

കോമളം കൂജയൻ വേണും ശ്യാമളോഽയം കുമാരകഃ .
വേദവേദ്യം പരം ബ്രഹ്മ ഭാസതാം പുരതോ മമ ..

യം ബ്രഹ്മാ വരുണേന്ദ്രരുദ്രമരുതഃ സ്തുന്വന്തി ദിവ്യൈഃ സ്തവൈഃ
      വേദൈസ്സാംഗപദക്രമോപനിഷദൈർഗായന്തി യം സാമഗാഃ .
ധ്യാനാവസ്ഥിതതദ്ഗതേനമനസാ പശ്യന്തി യം യോഗിനോ
      യസ്യാന്തം ന വിദുഃ സുരാസുരഗണാഃ ദേവായ തസ്മൈ നമഃ ..

കൃഷ്ണായ വാസുദേവായ ദേവകീനന്ദനായ ച .
നന്ദഗോപകുമാരായ ഗോവിന്ദായ നമോ നമഃ ..

സായങ്കാലേ വനാന്തേ കുസുമിതസമയേ സൈകതേ ചന്ദ്രികായാം
      ത്രൈലോക്യാകർഷണാംഗം സുരവരഗണികാമോഹനാപാംഗമൂർതിം .
സേവ്യം ശൃംഗാരഭാവൈർനവരസഭരിതൈർഗോപകന്യാസഹസ്രൈഃ
      വന്ദേഽഹം രാസകേളീരതമതിസുഭഗം വശ്യഗോപാലകൃഷ്ണം ..

ആനീലശ്ലക്ഷ്ണകേശം ജ്വലിതമകരസത്കുണ്ഡലം മന്ദഹാസ-
      സ്യന്ദാർദ്രം കൗസ്തുഭശ്രീപരിഗതവനമാലോരുഹാരാഭിരാമം .
ശ്രീവത്സാങ്കം സുബാഹും മൃദുലസദുദരം കാഞ്ചനച്ഛായചേലം
      ചാരുസ്നിഗ്ധോരുമംഭോരുഹലലിതപദം ഭാവയേയം ഭവന്തം ..

ശ്രീകൃഷ്ണ ഗോവിന്ദ ഹരേ മുരാരേ ശ്രീനാഥ നാരായണ വാസുദേവ .

സർവത്ര ഗോവിന്ദനാമസങ്കീർതനം – ഗോവിന്ദ ഗോവിന്ദ ഗോവിന്ദ .

മോക്ഷാബ്ധിസാരമയഭാഗവതാഖ്യദധ്നോ
      നാരായണീയനവനീതമഹോ ഗൃഹീത്വാ .
മായാമയൗഘപരിതപ്തജനായ യോഗാത്
      നാരായണാവനിസുരായ നമോഽസ്തു തസ്മൈ ..

ഗംഗാ ഗീതാ ച ഗായത്ര്യപി ച തുളസികാ ഗോപികാചന്ദനം തത്
      സാലഗ്രാമാഭിപൂജാ പരപുരുഷ തഥൈകാദശീ നാമവർണാഃ .
ഏതാന്യഷ്ടാപ്യയത്നാന്യയി കലിസമയേ ത്വത്പ്രസാദപ്രവൃദ്ധ്യാ
      ക്ഷിപ്രം മുക്തിപ്രദാനീത്യഭിദധുരൃഷയസ്തേഷു മാം സജ്ജയേഥാഃ ..

സർവത്ര ഗോവിന്ദനാമസങ്കീർതനം – ഗോവിന്ദ ഗോവിന്ദ ഗോവിന്ദ .