Homenew17

🕉️🕉️🕉️🕉️🕉️🕉️
☘️🌹☘️🌹☘️🌹☘️

*അദ്രിനിവാസിനി ദേവി മൂകാംബികേ !*
*വിദ്യാസ്വരൂപിണി മൂകാംബികേ !*
*ആത്മപ്രകാശിനീ ദേവി മൂകാംബികേ !*
*ആത്മാനന്ദപ്രദേ മൂകാംബികേ !*

*ഇന്ദീവരേക്ഷണേ ഇന്ദുബിംബാനനേ*
*ഇന്ദുചൂഡ പ്രിയേ! മൂകാംബികേ !*
*ഈരേഴുലകിനു കാരണഭൂതയായ്*
*മേവീടുമംബികേ മൂകാംബികേ !*

*ഉള്ളം തെളിവതിനുള്ളില്‍ വാണീടണ-*
*മുള്ളനാളൊക്കെയും മൂകാംബികേ !*
*ഊനം വരുത്തണം രോഗങ്ങള്‍ക്കൊക്കെയും*
*ദീനദയാനിധേ മൂകാംബികേ !*

*എന്നെക്കനിവോടെ കാത്തരുളേണമെ-*
*ന്നംബേ ദയാനിധേ മൂകാംബികേ !*
*ഏണാങ്കബിംബാനനേ മനോമോഹനേ*
*മാഹേശ്വരപ്രിയേ മൂകാംബികേ !*

*ഐഹികസൌഖ്യവും മോക്ഷവും നല്‍കുന്ന*
*മോഹവിനാശിനീ മൂകാംബികേ !*
*ഒക്കെയുപേക്ഷിച്ചു നിന്‍പാദപങ്കജം*
*ചൊല്‍ക്കൊണ്ടു കാണായി മൂകാംബികേ !*

*ഓതുന്ന വേദപ്പൊരുളായി മേവുന്ന*
*പാതകനാശിനി മൂകാംബികേ !*
*ഔഡുപമാലയണിഞ്ഞു വിളങ്ങുന്ന*
*ദിവ്യജനാര്‍ച്ചിതേ മൂകാംബികേ !*

*അന്തരമെന്നിയേ ചിന്തിപ്പവര്‍ക്കുള്ള*
*സന്താപനാശിനീ മൂകാംബികേ !*
*മൂകാംബികേ ദേവി മൂകാംബികേ ദേവീ !*
*മൂകാംബികേ ദേവി മൂകാംബികേ !*

🌹❤️🌹❤️🌹❤️

🙏 *ദേവീ സ്തുതി*🙏

അമ്മേ ഭഗവതി നാരായണീ ഗൗരി
ആനന്ദേ ദേവീ കൈതൊഴുന്നേൻ
ആര്യേ ഭഗവതീ ദേവീ സരസ്വതീ
ആദി കാർത്ത്യായനി കൈതൊഴുന്നേൻ

ഇന്ദ്രാദികളായ സുംഭ നിസുംഭരെ
ഇല്ലാതാക്കിയോളേ തൊഴുന്നേൻ
ഈരേഴു ലോകവും നിങ്കൽ ലയിക്കുന്നു
ഈശ്വരി തൃക്കാൽക്കൽ കൈതൊഴുന്നേൻ

ഉള്ളത്തിൽ എപ്പോഴും തോന്നേണം നിൻ
പാദ മുത്തമേ ഭൈരവീ കൈതൊഴുന്നേൻ
ഊഴിമേലുള്ളോരു ലോകരെ പാലിപ്പാ –
നൂക്കേറും കല്യാണി കൈതൊഴുന്നേൻ

എട്ടാശ പൊട്ടുന്നോരട്ട ഹാസത്തെയു –
മെമ്പരമേശ്വരീ കൈ തൊഴുന്നേൻ
എറിയെഴുന്നെള്ളും വേതാള ഭൂതത്തി –
ലേന്തിയുദിക്കുമ്പോൾ കൈതൊഴുന്നേൻ 

🙏🔱🙏🔱🙏🔱🙏🔱🙏🔱