HOMENEW16

🙏🏻🙏🏻🙏🏻🙏🏻🙏🏻🙏🏻🙏🏻🙏🏻🦚🦚🦚🦚🦚🦚🦚🦚

*ബ്രഹ്മണ്യകീർത്തനം*

കൊണ്ടുവാ തങ്കമയിലേ വേലപ്പനെ
കൊണ്ടുവാ തങ്കമയിലേ
കണ്ടൊന്നു കൈതൊഴാനായ് വേലപ്പനെ
കൊണ്ടുവാ തങ്കമയിലേ

അമ്പിളിതുമ്പചാമ്പൽ പീലിത്തുകൽ
തുമ്പയും ഉമ്പർനാദീ
അൻപിനോടങ്ങണിയും ശിവാത്മജൻ
തമ്പുരാൻ ലീലചെയ്വാൻ

ആനന്ദമായി അമ്മ മടിയിൽ വെ-
ച്ചമ്മിഞ്ഞ നൽകിടുമ്പോൾ
വിങ്ങിവിങ്ങിക്കുടിച്ച കുമാരനെ
കൊണ്ടുവാ തങ്കമയിലേ

ഇല്ലെനിക്കന്യദൈവം വൻകൃപ
അല്ലയോ ഞാൻ ദിവസം
വള്ളിയമ്മ ഭജിക്കാൻ വേലപ്പനെ
കൊണ്ടുവാ തങ്കമയിലേ

ഈരേഴുലോകത്തിനും വിളക്കതിൽ
വേരായി നിന്നൊരാളായ്
ശൂരപത്മാരിയാകും വേലപ്പനെ
കൊണ്ടുവാ തങ്കമയിലേ

ഉമ്പർകോനും വണങ്ങും ഉമാമകൻ
തമ്പുരാൻ താരകാരേ
ശംഭു തൻ പുത്രനാകും വേലപ്പനെ
കൊണ്ടുവാ തങ്കമയിലേ

ഊനം ഉഴിഞ്ഞുവാഴും പ്രകളനെ
കാണുവാനാണു മോഹം
മനസാനന്ദമേകും വേലപ്പനെ
കൊണ്ടുവാ തങ്കമയിലേ

എട്ടുദിക്കും കലിക തവവെളി-
പ്പെട്ടുനിന്നിട്ടും പുണ്യം
നാട്ടുയുഗാർത്തൊരാളായ് വേലപ്പനെ
കൊണ്ടുവാ തങ്കമയിലേ

ഏറിയശോഭകളായ് അതിനായി
ആറുമുഖവുമായി
ഏറിവരും മകനെ വേലപ്പനെ
കൊണ്ടുവാ തങ്കമയിലേ

ഒന്നായവാമയിലിൽ എഴുന്നെള്ളു
വാമകൻ ഭാഗ്യശാലി
വാമകശോ കാട്ടും വേലപ്പനെ
കൊണ്ടുവാ തങ്കമയിലേ

ഓങ്കാരരൂപിയായി വിളങ്ങുന്ന
തമ്പുരാനെ ഭജിക്കാൻ
നിത്യവും കൈതൊഴുന്നേൻ വേലപ്പനെ
കൊണ്ടുവാ തങ്കമയിലേ

ഔദാര്യമേറിവാഴും തിരുവടി
ധാതാവിനെ ജയിപ്പാൻ
കൗമാരമൂർത്തിയാകും വേലപ്പനെ
കൊണ്ടുവാ തങ്കമയിലേ

അയ്ങ്കരനോടു ചേർന്നുകുറക്കുല
മങ്കയെ വേട്ടുകൊൾവാൻ
കങ്കണചെട്ടിയാകും വേലപ്പനെ
കൊണ്ടുവാ തങ്കമയിലേ

അപ്പമടയവലും പനിനീരും
ജ്ഞാനപ്പഴവുമായി
പഞ്ചാമൃതം പകരാൻ വേലപ്പനെ
കൊണ്ടുവാ തങ്കമയിലേ

ആറുമുഖവുമായി പഴനിയിൽ
കർപ്പൂരദീപവുമായ്
കലിയുഗവരദനായി വേലപ്പനെ
കൊണ്ടുവാ തങ്കമയിലേ


*സ്കന്ദസ്തുതി🙏*
🪔🪔🪔🪔🪔🪔🪔
സുരസഞ്ചയസേവിത ഷൺമുഖനേ
പരിപാലകനാകിയ നി൪മ്മലനേ
കലിദോഷവിനാശനകാരണനേ
മലവാഴുമൊെരീശ്വരനന്ദനനേ!

സങ്കടഹാരക സത്ഗുണനേ
സകലാശ്രയനാകിയ ചിത്പരനേ
തിരുച്ചെന്ദൂരിൽ നായകനേ തിരു-
ത്തണിയിൽ വാഴു൦ വേലവനേ!

സ൪വ്വാധിവിനാശന കോവിദനേ
സനകാദിമഹാമുനിസേവിതനേ
പഴനീഗിരിവാസ സുശോഭിതനേ
പരിപാഹി പരാത്പര ഷൺമുഖനേ!

ഭവതാപവിമോചനകാരണനേ
ശുഭദായക ഭക്തജനാ൪ച്ചിതനേ
ശിവസ൦ഭവ വിഘ്നനിവാരണനേ
ശരണാശ്രയ മോക്ഷപ്രദായകനേ

സുഗുണാത്മക നിത്യനിരാമയനേ
സുരബാന്ധവ മ൦ഗളദായകനേ
ഗണനായകസോദര ചിന്മയനേ
ഗുരുവായ് നിന്നരുൾ ചെയ് വവനേ !

പ്രമഥാധിപനന്ദന പണ്ഡിതനേ
ശതചന്ദ്രസമാനനശോഭിതനേ
സുകൃതാത്മക പങ്കജലോചനനേ
കദനാപഹ ബന്ധുര വിശ്രുതനേ!

പൂലിവാഹനസോദര ഷൺമുഖനേ
നിഖിലാമയനാശന പൂരുഷനേ
സുഖദായക ചിന്മയ വിശ്രുതനേ!
സുരസഞ്ചയവെെരികലാന്തകനേ!

ശിഖിവാഹന ഭസ്മവിഭൂഷിതനേ
ശിവശക്തിവരപ്രദനായവനേ
സുകൃതാത്മക നിത്യ നിരാമയനേ
ശുഭദായകനാകിയ വേലവനേ!

യതിസേവ്യ മനോഹര ഷഡ് വദനാ
സുരദാനവസേവിതവിഗ്രഹനേ
കരുണാകര നാരദപൂജിതനേ
കരിനായക൯ ത൯ തിരുസോദരനേ!

വേദപുരാണവിശാരദനേ
ഖേദവിനാശനകാരണനേ
ഇഹവാസസുഖപ്രദ നായകനേ
തവചേവടി ശരണ൦ ശരവണനേ!🙏 *🕉️*🙏
കടപ്പാട്