HOMENEW14

🙏ഓം നമോ നാരായണ :🙏
⚜️⚜️🔷🔷⚜️⚜️🔷🔷⚜️⚜️🔷🔷

കേശാദി പാദം തൊഴുന്നേൻ – കേശവാ
കേശാദി പാദം തൊഴുന്നേൻ…🙏

പീലിച്ചുരുൾമുടിയും നീലത്തിരുവുടലും
ഫാല തൊടുകുറിയും താണു തൊഴുന്നേൻ
കോശാദി …..തൊഴുന്നേൻ…. 🙏

മകരകുണ്ഡലമിട്ട
മലർക്കാതുതൊഴുന്നേൻ
കുടില കുന്തളം പാറും
തിരുനെറ്റി തൊഴുന്നേൻ… 🙏

കരുണതൻ കടലായ
കടമിഴി തൊഴുന്നേൻ
അരുണകിരണമണി
മുഖപത്മം തൊഴുന്നേൻ.. 🙏

കേശാദി ……തൊഴുന്നേൻ… 🙏

കളവേണുവണിയുന്ന കരതലം തൊഴുന്നേൻ
കൗസ്തുഭംതിളങ്ങുന്ന കളകണ്ഠംതൊഴുന്നേൻ… 🙏
വനമാലമയങ്ങുന്ന
മണിമാറുതൊഴുന്നേൻ… 🙏
കനകകങ്കണമിട്ട കൈത്തണ്ടതൊഴുന്നേൻ
കേശാദി …..തൊഴുന്നേൻ… 🙏

അരയിലെമഞ്ഞപ്പട്ടുടയാട തൊഴുന്നേൻ
അരിമുത്തുകിലുങ്ങുന്നോ
രരഞ്ഞാണംതൊഴുന്നേൻ… 🙏
കനകച്ചിലങ്കതുള്ളും
കാൽത്തളിർതൊഴുന്നേൻ… 🙏
കരിമുകിൽവർണ്ണനെ
അടിമുടിതൊഴുന്നേൻ

കേശാദി …… പാദം തൊഴുന്നേൻ..🙏
🙏♦️🙏♦️🙏♦️🙏♦️🙏♦️🙏♦️🙏♦️🙏♦️