HOMENEW13

അനായാസേന മരണം
വിനാ ദൈന്യേന ജീവനം
ദേഹാന്തേ തവ സാന്നിധ്യം
ദേഹിമേ പരമേശ്വരം”

ഒന്ന് എനിക്ക് വേദനയില്ലാത്ത മരണം നൽകേണമേ, രണ്ട് മറ്റുള്ളവരെ ആശ്രയിക്കാത്ത ഒരു ജീവിതം എനിക്ക് നൽകേണമേ. മൂന്ന് ഹേ ഭഗവാനേ മരണ സമയത്ത് നിന്റെ മാത്രം ദർശനം നൽകേണമേ. ഹേ ഭഗവാനേ എന്റെ ഈ മൂന്ന് പ്രാർത്ഥനകൾ നീ സഫലമാക്കേണമേ. ഇതായിരിക്കട്ടെ നമ്മുടെ പ്രാർത്ഥന… കാരണം നമ്മുടെ പണം, പദവി, യശസ്സ്, ബന്ധുക്കൾ, മിത്രങ്ങൾ ഒന്നും നമ്മുടെ തുണക്കില്ലാത്ത അന്ത്യനാളുകളിൽ മനസ്സിൽ നമ്മുടെ ഇഷ്ടമൂർത്തിയെ ദർശിച്ചു കൊണ്ട് മരിക്കാൻ സാധിക്കുക എന്നതിൽ പരം പുണ്യം മറ്റെന്താണ്.

മരിച്ചു കഴിയുമ്പോൾ ആർക്കു വേണം. കണ്ണീർ. മുത്തം, സ്നേഹം… നമ്മളെ പരിഗണിക്കുന്നവർ അല്ലെങ്കിൽ നമ്മൾ ജീവിച്ചിരിക്കുമ്പോൾ ഒറ്റയ്ക്കാകുമ്പോൾ, സങ്കടത്തിലാകുമ്പോൾ ഒരു നേരത്തെ ആഹാരമോ, ഒരിറ്റു സ്നേഹമോ, എന്തിന് സ്നേഹത്തോടെ ഒരുമിച്ചൊന്നിരിക്കാനോ ആശ്വസിപ്പിയ്ക്കാനോ പോലും സമയം കണ്ടെത്താത്ത നമ്മളെ മനസ്സിൻ്റെ നീറ്റൽ മനസ്സിലാക്കാത്ത മക്കൾ ഭാര്യ ഭർത്താവ് മിത്രങ്ങൾ ബന്ധുക്കൾ ഉൾപ്പെട്ടെ എത് ബന്ധങ്ങളോ ആയിക്കോട്ടെ… മരിച്ചു കഴിയുമ്പോൾ കരഞ്ഞു നിലവിളിച്ച് വിഭവ സമൃദ്ധമായ ചടങ്ങുകളും നടത്തി സദ്യയും വിളമ്പി, ഇതുവരെ കണ്ടിട്ടില്ലാത്ത തരത്തിലുള്ള ” ചിലവ് ” ചെയ്തും സോഷ്യൽ മീഡിയയിൽ മരണപ്പെട്ട ആളെ കുറിച്ച് പുകഴ്ത്തി എഴുതിയും നാട്ടുകാർ ഉൾപ്പെടെ കാണുന്നവരോടെല്ലാം മുതലക്കണ്ണീർ ഒഴുക്കി സങ്കടം പറഞ്ഞു നടന്നിട്ട് എന്ത് കാര്യം…?

ഒരു പരിഗണന, സ്നേഹം, കരുതൽ ഒക്കെ നമ്മളെ പരിഗണിക്കുന്നവരോട് നമ്മളെ സ്നേഹിക്കുന്നവരോട് ഉണ്ടെങ്കിൽ കിട്ടുന്നതിനേക്കാൾ കൂടുതലായി ജീവിച്ചിരിക്കുമ്പോൾ നൽകാൻ ശ്രദ്ധിക്കണം… കാരണം ഒന്ന് കാലുവഴുതി വീണാൽ തീരാവുന്ന
സമയമേ നമുക്ക് ഇവിടെയുള്ളൂ…
🙏