*🌻ശ്രീകൃഷ്ണ കീർത്തനം🙏*

ശ്രീപത്മനാഭ മുകുന്ദ മുരാന്തക
നാരായണാ നിൻമെയ് കാണുമാറാകണം
[ ശ്രീപത്മനാഭാ…… ]

പച്ചക്കല്ലൊത്ത തിരുമേനിയും നിന്റെ
പിച്ചക്കളികളും കാണുമാറാകണം
[ ശ്രീപത്മനാഭാ…… ]

പാലാഴിയിൽ പള്ളികൊള്ളും ഭഗവാന്റെ
കോലമെന്നുള്ളത്തിൽ
കാണുമാറാകണം
[ ശ്രീപത്മനാഭാ…… ]

പിച്ചകമാലയും താലിയും കിങ്ങിണി
ഒച്ച പൂണ്ടെന്നുമേ കാണുമാറാകണം
[ ശ്രീപത്മനാഭാ…… ]

പീലിക്കാർ കൂന്തലും ചാന്തും തൊടുകുറി
ബാലസ്വഭാവവും കാണുമാറാകണം
[ ശ്രീപത്മനാഭാ…… ]

പുഞ്ചിരിക്കൊഞ്ചലും ചഞ്ചലാപാംഗവും
നെഞ്ചകത്തെപ്പോഴും കാണുമാറാകണം
[ ശ്രീപത്മനാഭാ…… ]

പൂതനതൻ മുലയുണ്ടൊരു പൈതലിൻ
ചാതുരിയും ചിത്തേ കാണുമാറാകണം
[ ശ്രീപത്മനാഭാ…… ]

പെൺപൈതൽ മാറി യശോദ വളർത്തിയൊ
രാൺപൈതൽ നിൻമെയ് കാണുമാറാകണം
[ ശ്രീപത്മനാഭാ…… ]

പേരും പെരുപ്പവും ചൊല്ലുവല്ലായ്മയും
പത്മനാഭാ നിൻ മെയ് കാണുമാറാകണം
[ ശ്രീപത്മനാഭാ…… ]

പൈപെരുത്തച്ചിമാർ വീടുകളിൽ പുക്കു
വെണ്ണകട്ടുണ്ണിയെ കാണുമാറാകണം
[ ശ്രീപത്മനാഭാ…… ]

പൊന്നും ചിലമ്പും പുലിനഖമോതിരം
മിന്നുന്ന കൗസ്തുഭം കാണുമാറാകണം
[ ശ്രീപത്മനാഭാ…… ]

പോരാടി മല്ലരെ മെല്ലെ ഞെരിച്ചുകൊ-
ണ്ടാരോമൽ പൂമേനി കാണുമാറാകണം
[ ശ്രീപത്മനാഭാ…… ]

പൗരുഷംകൊണ്ടു പതിന്നാലു ലോകത്തെ –
പ്പാലിച്ചകോലത്തെ കാണുമാറാകണം
[ ശ്രീപത്മനാഭാ…… ]

പാശം കൊണ്ടന്തകൻ കെട്ടിയിഴയ്ക്കുമ്പോൾ
ആലസ്യം തീർത്തെന്നെ രക്ഷിച്ചുകൊള്ളണം !!
[ ശ്രീപത്മനാഭാ…… ]

*🌻ശുഭസന്ധ്യാവന്ദനം🙏*