Homenew13

*ഗായത്രീ വന്ദനം*

*ഓങ്കാരരൂപാ ത്രിപദാ ത്രയീ ച ത്രിദേവവന്ദ്യാ ത്രിദിവാധിദേവീ . ത്രിലോകകർത്രീ ത്രിതയസ്യ ഭർത്രീ ത്രൈകാലികീ സങ്കലനാവിധാത്രീ .. 1..*

*ത്രൈഗുണ്യഭേദാത് ത്രിവിധസ്വരൂപാ ത്രൈവിധ്യയുക്തസ്യ ഫലസ്യ ദാത്രീ . തഥാപവർഗസ്യ വിധായിനീ ത്വം ദയാർദ്രദൃക്കോണവിലോകനേന .. 2..*

*ത്വം വാങ്മയീ വിശ്വവദാന്യമൂർത്തി ർവിശ്വസ്വരൂപാപി ഹി വിശ്വഗർഭാ . തത്ത്വാത്മികാ തത്ത്വപരാത്പരാ ച ദൃക്താരികാ താരകശങ്കരസ്യ .. 3..*


*വിശ്വാത്മികേ വിശ്വവിലാസഭൂതേ വിശ്വാശ്രയേ വിശ്വവികാശധാമേ . വിഭൂത്യധിഷ്ഠാത്രി വിഭൂതിദാത്രി പദേ ത്വദീയേ പ്രണതിർമദീയാ .. 4..*

*ഭോഗസ്യ ഭോക്ത്രീ കരണസ്യ കർത്രീ ധാത്വാവ്യയപ്രത്യയലിംഗശൂന്യാ . ജ്ഞേയാ ന വേദൈർന പുരാണഭേദൈർധ്യേയാ ധിയാ ധാരണയാദിശക്തിഃ .. 5..*


*നിത്യാ സദാ സർവഗതാഽപ്യലക്ഷ്യാ വിഷ്ണോർവിധേഃ ശങ്കരതോഽപ്യഭിന്നാ . ശക്തിസ്വരൂപാ ജഗതോഽസ്യ ശക്തിർജ്ഞാതും ന ശക്യാ കരണാദിഭിസ്ത്വം .. 6..*

*ത്യക്തസ്ത്വയാത്യന്തനിരസ്തബുദ്ധിർനരോ ഭവേദ് വൈഭവഭാഗ്യഹീനഃ . ഹിമാലയാദപ്യധികോത്രതോഽപി ജനൈസ്സമസ്തൈരപി ലംഘനീയഃ .. 7..*

*ശിവേ ഹരൗ ബ്രഹ്മണി ഭാനുചന്ദ്രയോശ്ചരാചരേ ഗോചരകേഽപ്യഗോചരേ . സൂക്ഷ്മാതിസൂക്ഷ്മേ മഹതോ മഹത്തമേ കലാ ത്വദീയാ വിമലാ വിരാജതേ .. 8..*

*സുധാമരന്ദം തവ പാദപദ്മം സ്വേ മാനസേ ധാരണയാ നിധായ . ബുദ്ധിർമിലിന്ദീഭവതാന്മദീയാ നാതഃ പരം ദേവി വരം സമീഹേ .. 9..*

*ദീനേഷു ഹീനേഷു ഗതാദരേഷു സ്വാഭാവികീ തേ കരുണാ പ്രസിദ്ധാ . അതഃ ശരണ്യേ ശരണം പ്രപന്നം ഗൃഹാണ മാതഃ പ്രണയാഞ്ജലിം മേ .. 10.. ..*

*ഇതി ഗായത്രീവന്ദനം സമാപ്താ ..*