Homenew12

🌹🌻🌹🌻🌹🌻🌹
🌷🙏🌷🙏🌷🙏🌷🙏

ശ്രീകൃഷ്ണ കീർത്തനം

ദുഃഖമൊടുക്കുന്ന തമ്പുരാനേ കൃഷ്ണ !
തൃക്കഴൽ ഞാനിതാ കുമ്പിടുന്നേൻ.

ദു:ഖമെടുത്തതിനെന്തേ മൂലം കൃഷ്ണ !
ദുഃഖമെടുത്തതു ജന്മം മൂലം .

ജന്മമെടുത്തതിനെന്തേ മൂലം കൃഷ്ണ !
ജന്മമെടുത്തതു കർമ്മമ്മൂലം .

കർമ്മമെടുത്തതിനെന്തേ മൂലം കൃഷ്ണ !
കർമ്മമെടുത്തതു രാഗമ്മൂലം .

രാഗമെടുത്തതിനെന്തേ മൂലം കൃഷ്ണ !
രാഗമെടുത്തതു മാനമ്മൂലം .

മാനമെടുത്തതിനെന്തേ മൂലം കൃഷ്ണ !
തന്നെ നിനയായ്ക മാനംമൂലം .

തന്നെ നിനയായ് വാനെന്തേ മൂലം കൃഷ്ണ !
അജ്ഞാനമെന്നാവിവേകമ്മൂലം .

അജ്ഞാനം പോവതിനെന്തു ചെയ്‌വൂ കൃഷ്ണ !
അജ്ഞാനം പോവതു ജ്ഞാനം കൊണ്ടേ .

ജ്ഞാനമുണ്ടാവതിനെന്തു ചെയ് വൂ കൃഷ്ണാ !
ജ്ഞാനമുണ്ടാവതു ഭക്തി കൊണ്ടേ .

ഭക്തിയുണ്ടാവതിനെന്തു ചെയ് വൂ കൃഷ്ണ !
ഭക്തിയുണ്ടാവൂ വിരക്തി കൊണ്ടേ .

സക്തി പോയീടുവാനെന്തു ചെയ്‌വൂ കൃഷ്ണ !
ചിത്തത്തിൽ നല്ലൊരു ശുദ്ധി കൊണ്ടേ .

ചിത്തശുദ്ധിക്കു ഞാനെന്തു ചെയ് വൂ കൃഷ്ണ !
നല്ല വഴിക്കുള്ള ശ്രദ്ധ ചെയ്‌വൂ .

ശ്രദ്ധയുണ്ടാവതിനെന്തു ചെയ്‌വൂ കൃഷ്ണ !
പുണ്യകഥകളെ കേട്ടുകൊൾവൂ.

സൽക്കഥ കേൾപ്പതിനെന്തു ചെയ്‌വൂ കൃഷ്ണ !
സജ്ജന സംഗതി ചെയ്തു കൊൾവൂ .

സജ്ജന സംഗതിക്കെന്തു ചെയ്‌വൂ കൃഷ്ണ !
വാമപുരേശനെസ്സേവ ചെയ്‌വൂ .

വാമഗേഹാവിപ വാസുദേവ കൃഷ്ണ !
ബാലഗോപാലക ! പാലയ മാം .
🌹🌻🌹🌻🌹🌻🌹
🌷🙏🌷🙏🌷🙏🌷🙏