*എവർക്കും ശിവരാത്രി ആശംസകൾ*
*╔═══❖✿••••••••••••✿❖═══╗*

*മഹാശിവരാത്രി, ശ്രദ്ധിക്കേണ്ട കാര്യങ്ങള്‍*

*╚═══❖✿••••••••••••✿❖═══╝*

നാളെയാണ് മഹാശിവരാത്രി. മലയാളമാസം കുംഭത്തില്‍ കൃഷ്ണപക്ഷ ചതുര്‍ദ്ദശി അര്‍ദ്ധരാത്രിയില്‍ എത്തുന്ന ദിനമാണ് ശിവരാത്രിയായി ആഘോഷിക്കുന്നത്. ശനിയാഴ്ചയും പ്രദോഷവും ശിവരാത്രിയും ചേര്‍ന്ന് വരുന്ന ശനിപ്രദോഷ ശിവരാത്രി അത്യപൂര്‍വ്വവും അനുഗ്രഹപ്രദവുമാണ്. ഇത്തവണത്തെ മഹാശിവരാത്രി ദിനത്തിന്റെ മഹാത്മ്യം തീര്‍ന്നിട്ടില്ല, ശനിയും സൂര്യനും ചന്ദ്രനും ഒരേ രാശിയില്‍ വരുന്ന ത്രിഗ്രഹ യോഗം കൂടി വരുന്ന ദിവസമാണ്

ഇത്രയും വിശേഷപ്പെട്ട ശിവരാത്രിക്ക് മഹാദേവനെയും പാര്‍വ്വതി ദേവിയേയും ഭജിച്ചാല്‍ അഷ്ടദു:ഖങ്ങളും അകന്ന് അഷ്ട ഐശ്വര്യങ്ങളും പ്രദാനമാകും. ഇത്തവണത്തെ മഹാശിവരാത്രി പൂജയും വ്രതങ്ങളും ഒക്കെ ആചരിക്കേണ്ടത് 2023 ഫെബ്രുവരി പതിനെട്ട് ശനിയാഴ്ച വൈകിട്ട് ആറ് മണി മുതല്‍ ഫെബ്രുവരി 19-ാം തീയതി വൈകിട്ട് നാലേകാല്‍ വരെയാണ്. ഈ സമയത്താണ് മഹാശിവരാത്രിയോട് അനുബന്ധിച്ചുള്ള വിശേഷാല്‍ പൂജകളും ചടങ്ങളും ഒക്കെ ക്ഷേത്രങ്ങളിലും ഭവനങ്ങളിലും ഒക്കെ നടക്കുന്നത്.


*മഹാശിവരാത്രി തീയതിയും പൂജാസമയങ്ങളും അനുഷ്ഠാനങ്ങളും*



ശനി പ്രദോഷ ശിവരാത്രി അത്യപൂര്‍വ്വം! ഇത്തവണത്തെ മഹാശിവരാത്രി ശനിദോഷ പരിഹാരത്തിന് ബഹുവിശേഷം

മഹാശിവരാത്രിയിലെ പൂജാകാര്യങ്ങളില്‍ ശ്രദ്ധിക്കേണ്ട കാര്യങ്ങള്‍

ശുദ്ധി: ശിവരാത്രിയോട് അനുബന്ധിച്ച് വീടും വീടിന്റെ പരിസരവും ശുദ്ധിയായിരിക്കണം. വീടുകളില്‍ പൂജ നടത്തുന്നുണ്ടെങ്കില്‍ പൂജാമുറിയോ നിയുക്ത പൂജ സ്ഥലമോ ശുദ്ധിയാക്കിയിരിക്കണം. ശിവരാത്രി ദിവസം ദേഹശുദ്ധി വരുത്തി ശുദ്ധിയുള്ള വസ്ത്രങ്ങള്‍ ധരിക്കണം. ഭസ്മധാരണവും നടത്തുക.

പൂജാ ക്രമീകരണം: ഒരു പീഠത്തിലോ പലകയിലോ ശിവലിംഗമോ ശിവപാര്‍വ്വതി ചിത്രങ്ങളോ വിഗ്രഹങ്ങളോ ഭക്തിപുരസ്‌കരം സ്ഥാപിച്ച് പൂജകള്‍ നടത്തുക. പൂക്കള്‍, ഇലകള്‍, പഴങ്ങള്‍ എന്നിവയാല്‍ അലങ്കാരങ്ങളും നടത്താം.


അഭിഷേകം: പഞ്ചാക്ഷരി മന്ത്രങ്ങളാല്‍ ശിവലിംഗത്തിന് അഭിഷേകം നടത്താം. ജലം, പാല്‍, തേന്‍, കരിക്ക്, ഭസ്മം എന്നിങ്ങനെ പല തരത്തില്‍ അഭിഷേകം നടത്താം.

മന്ത്രം: ഓം നമഃ ശിവായ എന്ന പഞ്ചാക്ഷരി മന്ത്രത്തിനാണ് ഏറ്റവും പ്രാധാന്യം. മഹാമൃത്യുഞ്ജയ മന്ത്രം, മൃത്യുഞ്ജയ സ്‌തോത്രം, ശിവപുരാണം, ശിവസഹസ്രനാമം, അഷ്ടോത്തര ശതനാമ സ്തോത്രം, ശിവപഞ്ചാക്ഷരീ സ്തോത്രം, വില്വാഷ്ടകം, ലിംഗാഷ്ടകം, ശിവ ഭുജംഗം എന്നിവയും ജപിക്കാവുന്നതാണ്.

നൈവേദ്യങ്ങള്‍: പഴങ്ങള്‍, ഫലങ്ങള്‍, പാല്‍, തേന്‍, ത്രിമധുരം എന്നിങ്ങനെ സമര്‍പ്പിക്കാം.

ആരതി: കര്‍പ്പൂരത്താലോ, ദീപാരാധന തട്ടമോ, വിളക്കോ കത്തിച്ച് ദേവന് ആരതി നടത്തി പൂജ അവസാനിപ്പിക്കാം.


*മഹാശിവരാത്രി വ്രതം അനുഷ്ഠിക്കുമ്പോള്‍ ശ്രദ്ധിക്കേണ്ട കാര്യങ്ങള്‍*


സാധിക്കുമെങ്കില്‍ പൂര്‍ണ ഉപവാസം അനുഷ്ഠിക്കാവുന്നതാണ്. ഒരിക്കലായി വ്രതാനുഷ്ഠാനം നടത്തുന്ന ഭക്തര്‍ അരി, ധാന്യങ്ങള്‍ അടങ്ങിയ ഭക്ഷണം ഒഴിവാക്കണം. പഴങ്ങള്‍, പരിപ്പ്, പാല്‍ അടിസ്ഥാനമാക്കിയുള്ള ആഹാരങ്ങള്‍ കഴിക്കാം. അമിതമായോ നിറവയറോ ഭക്ഷണം കഴിക്കരുത്. മദ്യമോ ലഹരിവസ്തുക്കളോ ഉപയോഗിക്കരുത്.

പൂര്‍ണ്ണമായ ഉപവാസം ആചരിക്കുന്നവര്‍ ഭക്ഷണത്തോടൊപ്പം വെള്ളവും ഒഴിവാക്കാറുണ്ട. പക്ഷെ തീര്‍ത്ഥജലമെങ്കിലും സേവിക്കണമെന്ന് നിര്‍ദ്ദേശിക്കുന്നു. വ്രത സമയത്ത് ശരീരിത്തിസ്# ജലാംശം നിലനിര്‍ത്തേണ്ടത് പ്രധാനമാണ്.

ശിവരാത്രി ദിനത്തില്‍ പകല്‍ ഉറങ്ങരുത്. രാത്രിയിലെ ഉറക്കം ഒഴിവാക്കുന്നതും വ്രതത്തിന്റെ ഭാഗമാണ്.

വ്രതം അനുഷ്ഠിക്കുന്നവര്‍ ശിവരാത്രി ദിനത്തില്‍ ധ്യാനം പരിശീലിക്കുക ദിവസം മുഴുവന്‍ ശാന്തമായി ഈശ്വരനിങ്കല്‍ അര്‍പ്പിക്കാന്‍ ഇത് സഹായിക്കും.
മനസ്സിനെ മറ്റ് കാര്യങ്ങളില്‍ നിന്ന് മുക്തമാക്കാന്‍ മന്ത്രങ്ങള്‍ ജപിക്കുകയോ ശിവപുരാണം പോലെയുള്ള ഗ്രന്ഥങ്ങള്‍ പാരായണം ചെയ്യുകയോ ചെയ്യുന്നത് ഉത്തമം.

*പ്രധാന പൂജകള്‍*


1. വിഘ്നേശ്വരബലി, സഞ്ജീവനിപൂജ ഇവ നടത്തിക്കുന്നത് സര്‍വ്വരോഗശാന്തി നല്‍കുന്നു.

2. വിഘ്നേശ്വരബലി, അഘോരബലി ഇവ നടത്തിയാല്‍ കഠിനദോഷ ദുരിതങ്ങള്‍, ശത്രുതാ ദോഷങ്ങള്‍ ഇവ മാറുന്നതാണ്.

3. സിദ്ധിവിനായകബലി, ചിന്താമണി പൂജ ഇവ നടത്തിയാല്‍ സകലാഭീഷ്ടസിദ്ധി ഫലം.

4. മനസ്സിന്റെ ആഗ്രഹപ്രാപ്തി, വിവാഹ-ദാമ്പത്യ ഉന്നതി ഇവയ്ക്കായി ഉമാമഹേശ്വര പൂജ നടത്തുക.

5. സകലവിധ സാമ്പത്തിക ഉയര്‍ച്ചയ്ക്കുമായി ചിദംബരപൂജ നടത്തുക.


*ബലിതര്‍പ്പണം*


ശിവരാത്രിയുടെ പിറ്റേന്നുള്ള ബലിതര്‍പ്പണത്തിന് ഹിന്ദുമത വിശ്വസത്തില്‍ പ്രാധാന്യം ഏറെയാണ്. അന്ന് നടത്തുന്ന ബലി തര്‍പ്പണത്തിലൂടെ പൃതൃക്കള്‍ക്ക് മോക്ഷഭാഗ്യവും ജീവിച്ചിരിക്കുന്നവര്‍ക്ക് അവരുടെ അനുഗ്രഹവും ലഭിക്കുമെന്നാണ് വിശ്വാസം.

꧁☆ۣۜۜ͜͡➳»★« ঔ »★« ꧁☆ۣۜۜ͜͡➳
സദാശിവസമാരംഭാം
ശങ്കരാചാര്യമധ്യമാം
അസ്ദാചാര്യപര്യന്താം

ആത്മീയതയുടെ പാതയിൽ മഹത്തായ അറിവ് പകർന്ന് നൽകിയ വരോടുള്ള കടപ്പാട് വിനയപൂർവ്വം, സ്മരിക്കുന്നു👣🙏

╰─•━━━━━━•⊰᯽⊱•━━━━━━━•─╯