HOMENEW9

🌸🌸🌸🌸🌸🌸🌸🌸🌸


*നാരായണ ഗീതം*
⚘⚘⚘⚘⚘⚘⚘⚘

നാരായണ ഹരേ…
നാരായണ ഹരേ….
നാരായണ ഹരേ….
നാരായണാ…..

അത്തലിൽ ഗോപികൾ തപ്പിയെടുത്തൊരു
ഉത്തമമുത്താണ് നാരായണ,..

ഭക്തിയാം സിന്ധുവിൻ മദ്ധ്യേയെ വിടർന്നൊരു
സച്ചിന്മലരാണ് നാരായണ,…

ഗോകുലമാകവേ ശാന്തമായ് തീർക്കുന്ന
പാവനനാദമീ നാരായണ, …

നാമറിയാതെയി നാവിൽ വന്നാൽ പോലും വിട്ടു പിരിയാത്ത നാരായണ….

,
കേൾക്കുന്ന മാത്രയിലെല്ലാം മറക്കുന്ന
ആനന്ദഗീതമീ നാരായണ, ….

ബ്രഹ്മാദിദേവകൾ എന്നും സേവിക്കുന്ന
കാരുണ്യതീർത്ഥമീ നാരായണ,….

നാരദ വീണയിൽ എന്നും മുഴങ്ങുന്ന
പ്രേമസ്വരമാണ് നാരായണ, …

അന്നൊരജാമിളൻ വൈകുണ്ഡമായ് കണ്ട
നാലക്ഷരമാണ് നാരായണ,….

പുണ്യമാം നിദ്രയിൽ കണ്ണനെ കാണുന്ന
കണ്ണിൻ മിഴികളി നാരാണാ….

പാപികൾക്കേറ്റം പ്രയാസമായ്തോന്നിടുo
പാടുവാനീ നാമം നാരായണാ…

എന്തും പറയുവാൻ പൊന്തുന്ന നാവേ നീ
ഇന്നൊന്നു പാടുമോ നാരായണ…

മാധവനെൻ ഗുരു കാട്ടിടും സംസാര തോണിയാം ഇന്നു
നീ നാരായണ..

നാരായണ തവ നാമത്തിൽ മുങ്ങിടും
ഞങ്ങളെ കാക്കാൻ മറന്നിടൊല്ലേ നാരായണ…

നാരായണ ഹരേ നാരായണ ഹരേ നാരായണ ഹരേ നാരായണ …(2)


🌸🌸🌸🌸🌸🌸🌸🌸🌸

കൃഷ്ണാഹരേ ജയ കൃഷ്ണാ ഹരേ ജയ കൃഷ്ണാ ഹരേ ജയ
കൃഷ്ണാ ഹരേ

ഒരു ദിനം ഒരുനേരം ഗുരുവായൂരപ്പാ നിൻ
തിരുനടയിലെത്തുവാൻ ഭാഗ്യം വേണം

അകതാരിൽ തിരുമുഖം കണ്ടുകണ്ടവിരാമം
തിരുനാമം ചൊല്ലാനും ഭാഗ്യം വേണം

മൂർത്തിത്രയം വണങ്ങീടുന്നൊരാ പുണ്യതീർത്ഥത്തിൽ നീരാടാൻ ഭാഗ്യം വേണം

നിദ്രവിട്ടമ്പാടിക്കണ്ണൻ ചിരിക്കുമ്പോൾ
നിർമ്മാല്യം കാണാനും ഭാഗ്യം വേണം

നെയ്ത്തിരിനാളത്തിൽ പ്രഭയിലാ തിരുവാക
ചാർത്തു കണ്ടീടാൻ ഭാഗ്യം വേണം

അഭിഷേകം കഴിയുമ്പോൾ ആർത്തിയോടെ വെണ്ണ
നുകരുന്നതുകാണാനും
ഭാഗ്യം വേണം

തിരുവുടയാടയുമായ് പുലരിക്കതിരുകൾ
വരവതു കാണാനും ഭാഗ്യം വേണം

തളികയിൽ കളഭവുമായ് ഉഭയരാഗം മന്ദം
വരവത് കാണാനും ഭാഗ്യം വേണം

നീറുന്ന മനസ്സോടെ പൂന്താനം പാടിയ
ഈരടികൾകേൾക്കാനും ഭാഗ്യം വേണം

മേൽപ്പത്തൂരിൽനിന്നും ഊറുന്ന ദശകങ്ങൾ
ഓർക്കാനും പാടാനും
ഭാഗ്യം വേണം

നിത്യവുമാതിരുനാമ ജപ മഹായഞ്ജത്തിൽ ചേരാനും ഭാഗ്യം വേണം

ഭക്തന്മാർക്കെത്ര കണ്ടാലും മതിവരാ
കൃഷ്ണാട്ടം കാണാനും
ഭാഗ്യം വേണം.

കൃഷ്ണാ ഹരേ ജയ കൃഷ്ണാ ഹരേ ജയ
കൃഷ്ണാ ഹരേ ജയ
കൃഷ്ണാ ഹരേ.🌹

oooooooooooooooooooooooooooo

കൃഷ്ണനാമം ജപിയ്‌ക്കേണമെപ്പോഴും
കൃഷ്ണഗീതകള്‍ കേള്‍ക്കേണമെപ്പോഴും
കൃഷ്ണവിഗ്രഹംകണ്ടുതൊഴുകണം,
കൃഷ്ണനെന്നുള്ളിലെന്നും വിളങ്ങണം.
കൃഷ്ണതീര്‍ത്ഥമെന്‍ ദാഹമകറ്റണം,
കൃഷ്ണതുളസിക്കതിരുകള്‍ചൂടണം,
കൃഷ്ണചന്ദനം നെറ്റിയില്‍ചാര്‍ത്തണം,
കൃഷ്ണനൈവേദ്യമല്പംനുകരണം.
കൃഷ്ണഗാഥകള്‍ പാടിത്തെളിയണം,
കൃഷ്ണ പൂജകള്‍ ചെയ്യാന്‍കഴിയണം,
കൃഷ്ണഭക്തരെന്‍ കൂട്ടുകാരാവണം,
കൃഷ്ണപക്ഷവുമുത്സവമാകണം.
കൃഷ്ണചക്രമെന്‍ പാത തെളിയ്ക്കണം,
കൃഷ്ണപത്മമായെന്‍ മനംവിടരണം,
കൃഷ്ണമന്ദിരമെന്‍ ഗൃഹമാകണം,
കൃഷ്ണാ നിന്നെപ്പിരിയാതിരിയ്ക്കണം.
കൃഷ്ണലീലകള്‍ ചുറ്റിലും കാണണം,
കൃഷ്ണാനീചാരെ പിച്ചവെച്ചീടണം,
കൃഷ്ണാ നേര്‍വഴി നീ തന്നെകാട്ടണം,
കൃഷ്ണപാദത്തിലഭയം ലഭിയ്ക്കണം.
കൃഷ്ണഗീതമെനിയ്‌ക്കൊന്നെഴുതണം,
കൃഷ്ണ കാകളിനടനമാടീടണം,
കൃഷ്ണനെ സ്വപ്നം കണ്ടൊന്നുറങ്ങണം,
കൃഷ്ണാ നീതന്നെയെന്നെയുണര്‍ത്തണം.
കൃഷ്ണഗീതയെന്‍ ശ്വാസമായ് തീരണം,
കൃഷ്ണാ നീയെന്നെ രാധയായ്‌ചേര്‍ക്കണം,
കൃഷ്ണനെല്ലാത്തതെല്ലാം മറക്കിലും,
കൃഷ്ണരൂപം മറക്കാതിരിയ്ക്കണം.
കൃഷ്ണനല്ലാത്തതെല്ലാം മറക്കിലും
കൃഷ്ണരൂപംമറക്കാതിരിയ്ക്കണം!
💟💟💟💟💟💟💟💟💟💟💟💟💟