HOMENEW9

*🪔🛕ദേവി സ്തുതി🛕🪔*
🎀●ॐ●━━━🚩ॐ🚩━━━●ॐ●🎀
🅗🅘🅝🅓🅤 🅦🅐🅨 🅞🅕 🅛🅘🅕🅔

അമ്മേ സരസ്വതി ജ്ഞാനാംബികേ ദേവി,
തവ പാദ പങ്കജം കുമ്പിടുന്നേൻ !

വേദസ്വരൂപിണി ശ്വേതാംബരേ ദേവി,
എൻ നാവിലെപ്പോഴും വിളങ്ങിടേണം !

ഹൃദയസരോരുഹം തന്നിൽ വസിക്കണം,
അജ്ഞാനമെല്ലാമകറ്റിടേണം !

വേദവേദാത്മികേ വാണിമാതേ തവ,
പാദം പണിയുന്നേൻ ഭക്തിയോടെ !

ജ്ഞാനസ്വരൂപിണി ഭവഭയ ഭഞ്ജിനി,
അക്ഷരരൂപിണി പാലയമാം !

നാന്മുഖൻ തന്നുടെ ജായയാം ശാരദേ,
വീണാപാണീ ദേവി കൈതൊഴുന്നേൻ !

മാലാപുസ്തക ധാരിണി ഭാരതി,
ശ്വേതപദ്മാസനേ കൈതൊഴുന്നേൻ !

ഹരിഹരബ്രഹ്‌മാദി ദേവകൾ പോലും,
കുമ്പിടും വാഗ്ദേവി കൈതൊഴുന്നേൻ !

പ്രീതി പൂണ്ടെന്നിൽ കനിയേണമംബികേ,
മൗഢ്യങ്ങളെല്ലാമകറ്റിടേണം !

സംസാരസാഗരം തന്നിൽ തുഴയുവാൻ,
ജ്ഞാനമല്ലാതൊരു വഞ്ചിയില്ല !

ആ വഞ്ചി നല്കിയനുഗ്രഹിക്കേണമേ,
വരദായിനി ദേവി പാഹിമാം പാഹിമാം !

അമ്മേ സരസ്വതി ജ്ഞാനാംബികേ ദേവി,
എന്മേൽ കടാക്ഷിക്ക കുമ്പിടുന്നേൻ !!