🙏🏻⚜️🙏🏻⚜️🙏🏻⚜️🙏🏻⚜️🙏🏻⚜️🙏🏻⚜️

അന്നപൂർണ്ണ സ്തുതി

HOMENEW8

നിത്യാനന്ദകരീ വരാഭയകരീ സൌന്ദര്യരത്നാകരീ

നിര്‍ധൂതാഖിലഘോരപാവനകരീ പ്രത്യക്ഷമാഹേശ്വരീ

പ്രലേയാചലവംശപാവനകരീ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

നാനാരത്നവിചിത്രഭൂഷണകരീ ഹേമാംബരാഡംബരീ

മുക്താഹാരവിലംബമാനവിലസദ്വക്ഷോജകുംഭാന്തരീ

കാശ്മീരാഗരുവാസിതാങ്ഗരുചിരേ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

യോഗാനന്ദകരീ രിപുക്ഷയകരീ ധര്‍മാര്‍ത്ഥനിഷ്ഠാകരീ

ചന്ദ്രാര്‍ക്കാനലഭാസമാനലഹരീ ത്രൈലോക്യരക്ഷാകരീ

സർവൈശ്വര്യസമസ്തവാഞ്ഛിതകരീ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

കൈലാസാചലകന്ദരാലയകരീ ഗൌരീ ഉമാ ശങ്കരീ

കൌമാരീ നിഗമാര്‍ത്ഥഗോചരകരീ ഓംകാരബീജാക്ഷരീ

മോക്ഷദ്വാരകപാടപാടനകരീ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

ദൃശ്യാദൃശ്യവിഭൂതിവാഹനകരീ ബ്രഹ്മാണ്ഡഭാണ്ഡോദരീ

ലീലാനാടകസൂത്രഭേദനകരീ വിജ്ഞാനദീപാങ്കുരീ

ശ്രീവിശ്വേശമനഃപ്രസാദനകരീ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

ഉർവീസര്‍വജനേശ്വരീ ഭഗവതീ മാതാന്നപൂര്‍‌ണ്ണേശ്വരീ

വേണീനീലസമാനകുന്തലഹരീ നിത്യാന്നദാനേശ്വരീ

സര്‍വാനന്ദകരീ സദാശുഭകരീ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

ആദിക്ഷാന്തസമസ്തവര്‍ണ്ണനകരീ ശംഭോസ്‌ത്രിഭാവാകരീ

കാശ്മീരാത്രിജലേശ്വരീ ത്രിലഹരീ നിത്യാങ്കുരാ ശര്‍വരീ

കാമാകാംക്ഷകരീ ജനോദയകരീ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

ദേവീ സര്‍വവിചിത്രരത്നരചിതാ ദാക്ഷായണീ സുന്ദരീ

വാമം സ്വാദുപയോധരപ്രിയകരീ സൌഭാഗ്യമാഹേശ്വരീ

ഭക്താഭീഷ്ടകരീ സദാശുഭകരീ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

ചന്ദ്രാര്‍‌ക്കാനലകോടികോടിസദൃശാ ചന്ദ്രാംശുബിംബാധരീ

ചന്ദ്രാര്‍ക്കാഗ്നിസമാനകുന്തളധരീ ചന്ദ്രാര്‍ക്കവര്‍‌ണ്ണേശ്വരീ

മാലാപുസ്തകപാശസാങ്കുശധരീ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

ക്ഷത്രത്രാണകരീ മഹാഭയകരീ മാതാ കൃപാസാഗരീ

സാക്ഷാന്മോക്ഷകരീ സദാ ശിവകരീ വിശ്വേശ്വരശ്രീധരീ

ദക്ഷാക്രന്ദകരീ നിരാമയകരീ കാശീപുരാധീശ്വരീ

ഭിക്ഷാംദേഹി കൃപാവലംബനകരീ മാതാന്നപൂര്‍ണ്ണേശ്വരീ

അന്നപൂര്‍‌ണ്ണേ സദാപൂര്‍‌ണ്ണേ ശങ്കരപ്രാണവല്ലഭേ

ജ്ഞാനവൈരാഗ്യസിദ്ധ്യര്‍ത്ഥം ഭിക്ഷാം ദേഹി ച പാര്‍വതി

മാതാ ച പാര്‍വതീ ദേവീ പിതാ ദേവോ മഹേശ്വരഃ

ബാന്ധവാഃ ശിവഭക്താശ്ച സ്വദേശോ ഭുവനത്രയം.

🕉️🕉️🕉️🕉️🕉️⚜️🕉️🕉️🕉️🕉️🕉️
ലളിതാ പഞ്ചരത്നം

HOMENEW8

പ്രാത സ്മരാമി ലളിതാ വദനാരവിന്ദം

ബിംബാദരം പൃഥുല മൌക്തിക ശോഭി നാസം

ആകർണ ദീര്‍ഘ നയനം മണി കുണ്ഡലാഢ്യം

മന്ദസ്മിതം മൃഗ മദോജ്ജ്വല ഫാല ദേശം

പ്രാതര്‍ ഭജാമി ലളിതാ ഭുജ കല്പ വല്ലീം

രക്താങ്ഗുലീയലസദങ്ഗുലിപല്ലവാഢ്യാം

മാണിക്യ ഹേമ വലയാങ്ഗദ ശോഭ മാനാം

പുണ്ഡ്രേക്ഷുചാപകുസുമേഷുസൃണീന്‍ദധാനാം

പ്രാതര്‍ നമാമി ലളിതാ ചരണാരവിന്ദം

ഭക്തേഷ്ട ദാന നിരതം ഭവ സിന്ധു പോതം

പദ്മാസനാദിസുരനായക പൂജനീയം

പദ്മാങ്കുശാധ്വജ സുദര്‍ശന ലാഞ്ചനാഢ്യം

പ്രാതഃ സ്തുവേ പരശിവാം ലളിതാം ഭവാനീം

ത്രൈയന്ത വേദ്യ വിഭവാം കരുണാനവദ്യാം

വിശ്വസ്യ സൃഷ്ടി വിലയ സ്ഥിതി ഹേതു ഭൂതാം

വിദ്യേശ്വരീം നിഗമ വാങ്മനസാതിദൂരാം

പ്രാതര്‍ വദാമി ലളിതേ തവ പുണ്യ നാമ

കാമേശ്വരീതി കമലേതി മഹേശ്വരീതി

ശ്രീ ശാംഭവീതി ജഗതാം ജനനീ പരേതി

വാഗ്ദേവതേതി വചസാ ത്രിപുരേശ്വരീതി

യഃ ശ്ലോകപഞ്ചകമിദം ലളിതാംബികായാഃ

സൌഭാഗ്യദം സുലളിതം പഠതി പ്രഭാതേ

തസ്മൈ ദദാതി ലളിതാ ഝടിതി പ്രസന്നാ

വിദ്യാം ശ്രിയം വിമലസൌഖ്യമനന്തകീര്‍ത്തിം