ശ്രീ രാമ രക്ഷാസ്തോത്രം
🌹🌹🌹🌹🌹🌹🌹🌹

HOMENEW8

അഥ ശ്രീ രാമ രക്ഷാസ്തോത്രം!!

അസ്യ ശ്രീ രാമ രക്ഷാസ്തോത്ര മന്ത്രസ്യ
ബുധകൗശിക ഋഷിഃ
ശ്രീ സീതാ രാമചന്ദ്രോ ദേവതാ അനുഷ്ടുപ്ഛന്ദഃ
സീതാ ശക്തിഃ ശ്രീമദ് ഹനുമാൻ കീലകം
ശ്രീ രാമചന്ദ്ര പ്രീത്യർത്ഥേ ജപേ വിനിയോഗഃ

അഥ ധ്യാനം

ധ്യായേദാ ജാനുബാഹും
ധൃത ശരധനുഷം ബദ്ധ പദ്മാസനസ്ഥം
പീതം വാസോവസാനം നവ കമലദളസ്പർദ്ധി നേത്രം പ്രസന്നം
വാമാങ്കാരൂഢ സീതാമുഖ കമലമിലല്ലോചനം നീരദാഭം
നാനാലങ്കാര ദീപ്തം ദധതമുരു ജടാ മണ്ഡനം രാമചന്ദ്രം

ഇതി ധ്യാനം

ചരിതം രഘുനാഥസ്യ ശതകോടി പ്രവിസ്തരം
ഏകൈകമക്ഷരം പുംസാം മഹാപാതക നാശനം (1)

ധ്യാത്വാ നീലോത്പലശ്യാമം രാമം രാജീവ ലോചനം
ജാനകീ ലക്ഷ്മണോപേതം
ജടാമുകുട മണ്ഡിതം (2)

സാസിതൂണ ധനുർബാണപാണിം
നക്തഞ്ചരാന്തകം
സ്വലീലയാ ജഗത്രാതും
ആവിർഭൂതമജം വിഭും (3)

രാമരക്ഷാം പഠേത് പ്രാജ്ഞഃ
പാപഘ്നീം സർവ്വ കാമദാം
ശിരോ മേ രാഘവഃ പാതു
ഫാലം ദശരഥാത്മജഃ (4)

കൗസല്യേയോ ദൃശൗ പാതു
വിശ്വാമിത്ര പ്രിയ ശ്രുതീ
ഘ്രാണം പാതു മഖത്രാതാ
മുഖം സൗമിത്രി വത്സലഃ (5)

ജിഹ്വാം വിദ്യാനിധിഃ പാതു
കണ്ഠം ഭരത വന്ദിതഃ
സ്കന്ധൗ ദിവ്യായുധഃ പാതു
ഭുജൗ ഭഗ്നേശ കാർമുകഃ (6)

കരൗ സീതാപതിഃ പാതു
ഹൃദയം ജാമദഗ്ന്യജിത്
മദ്ധ്യം പാതു ഖരധ്വംസീ
നാഭിം ജാംബവദാശ്രയഃ (7)

സൂഗ്രീവേശഃ കടി പാതു
സക്ഥിനീ ഹനുമത് പ്രഭുഃ
ഊരൂ രഘൂത്തമഃ പാതു
രക്ഷഃ കുല വിനാശകൃത് (8)

ജാനുനീ സേതുകൃത് പാതു
ജംഘേ ദശമുഖാന്തകഃ
പാദൗ വിഭീഷണ ശ്രീദഃ പാതു
രാമോ ഖിലം വപുഃ (9)

ഏതാം രാമബലോ പേതാം
രക്ഷാം യഃ സുകൃതീ പഠേത്
സ ചിരായുഃ സുഖീ പുത്രീ
വിജയീ വിനയീ ഭവേത് (10)

പാതാള ഭൂതലവ്യോമചാരിണശ്ഛദ്മ ചാരിണഃ
ന ദ്രഷ്ടുമപി ശക്താസ്തേ
രക്ഷിതം രാമനാമഭിഃ (11)

രാമേതി രാമഭദ്രേതി
രാമചന്ദ്രേതി വാ സ്മരൻ
നരോ ന ലിപ്യതേ പാപൈഃ
ഭുക്തിം മുക്തിം ച വിന്ദതി (12)

ജഗജ്ജൈത്രേക മന്ത്രേണ
രാമനാമ്നാഭി രക്ഷിതം
യഃ കണ്ഠേ ധാരയേതസ്യ
കരസ്ഥാഃ സർവ്വ സിദ്ധയഃ (13)

വജ്ര പഞ്ജര നാമേദം യോ
രാമ കവചം സ്മരേത്
അവ്യാഹതാജ്ഞഃ സർവ്വത്ര
ലഭതേ ജയ മംഗളം (14)

ആദിഷ്ടവാൻ യഥാ സ്പ്നേ
രാമ രക്ഷാമിമാം ഹരഃ
തഥാ ലിഖിതവാൻ പ്രാതഃ
പ്രബുദ്ധോ ബുധ കൗശികഃ (15)

ആ രാമഃ കല്പവൃക്ഷാണാം
വിരാമഃ സകലാപദാം
അഭിരാമസ്ത്രിലോകാനാം
രാമഃ ശ്രീമാൻ സ നഃ പ്രഭുഃ (16)

തരുണൗരൂപ സമ്പന്നൗ
സുകുമാരൗ മഹാബലൗ
പുണ്ഡരീക വിശാലാക്ഷൗ
ചീരകൃഷ്ണാ ജിനാംബരൗ (17)

ഫലമൂലാശിനൗ ദാന്തൗ
താപസൗ ബ്രഹ്മചാരിണൗ
പുത്രൗ ദശരഥസ്യൈതൗ
ഭ്രാതരൗ രാമലക്ഷ്മണൗ (18)

ശരണ്യൗ സർവ്വ സത്ത്വാനാം
ശ്രേഷ്ഠൗ സർവ്വധനുഷ്മതാം
രക്ഷഃ കുലനിഹന്താരൗ
ത്രായേതാം നോ രഘൂത്തമൗ (19)

ആത്തസജ്ജ ധനുഷാ വിഷുസ്പൃശാവക്ഷയാശുഗനിഷംഗസംഗിനൗ
രക്ഷണായമമരാമലക്ഷ്മണാവഗ്രതഃപഥിസദൈവഗച്ഛതാം (20)

സന്നദ്ധഃ കവചീ ഖഡ്ഗീ ചാപബാണധരോ യുവാ
ഗച്ഛന്മനോരഥോസ്മാകം
രാമഃ പാതു സലക്ഷ്മണഃ (21)

രാമോ ദാശരഥിഃ ശൂരോ
ലക്ഷ്മണാനുചരോ ബലീ
കാകുത്സ്ഥഃ പുരുഷഃ പൂർണ്ണ
കൗസല്യേയോ രഘൂത്തമഃ (22)

വേദാന്ത വേദ്യോ യജ്ഞേശഃ
പുരാണ പുരുഷോത്തമഃ
ജാനകീ വല്ലഭഃ ശ്രീമാൻ
അപ്രമേയ പരാക്രമഃ (23)

ഇത്യേതാനി ജപന്നിത്യം
മദ്ഭക്ത ശ്രദ്ധയാന്വിതഃ
അശ്വമേധാധികം പുണ്യം
സംപ്രാപ്നോതി ന സംശയഃ (24)

രാമം ദൂർവ്വാദള ശ്യാമം
പദ്മാക്ഷം പീതവാസസം
സ്തുവന്തി നാമഭിർദ്ദിവ്യൈഃ
ന തേ സംസാരിണോ നരഃ (25)

രാമം ലക്ഷ്മണ പൂർവ്വജം രഘുവരം സീതാപതിം സുന്ദരം
കാകുത്സ്ഥം കരുണാർണ്ണവം
ഗുണനിധിം വിപ്രപ്രിയം ധാർമ്മികം
രാജേന്ദ്രം സത്യസന്ധം ദശരഥതനയം ശ്യാമലം ശാന്തമൂർത്തിം
വന്ദേ ലോകാഭിരാമം രഘുകുല തിലകം രാഘവം രാവണാരിം (26)

രാമായ രാമഭദ്രായ രാമചന്ദ്രായ വേധസേ
രഘുനാഥായ നാഥായ സീതായാഃ പതയേ നമഃ (27)

ശ്രീ രാമ രാമ രഘുനന്ദ രാമ രാമ
ശ്രീ രാമ രാമ ഭരതാഗ്രജ രാമ രാമ
ശ്രീ രാമ രാമ രണകർക്കശ രാമ രാമ
ശ്രീ രാമ രാമ ശരണം ഭവ രാമ രാമ (28)

ശ്രീ രാമചന്ദ്ര ചരണൗ മനസാ സ്മരാമി
ശ്രീ രാമചന്ദ്ര ചരണൗ വചസാ ഗൃഹ്ണാമി
ശ്രീ രാമചന്ദ്ര ചരണൗ ശിരസാ നമാമി
ശ്രീ രാമചന്ദ്ര ചരണൗ ശരണം പ്രപദ്യേ (29)

മാതാ രാമോ മത്പിതാ രാമചന്ദ്രഃ സ്വാമീ രാമോ മത്സഖാ രാമചന്ദ്രഃ
സർവ്വസ്വം മേ രാമചന്ദ്രോ ദയാലുഃ
നാന്യം ജാനേ നൈവ ജാനേ ന ജാനേ (30)

ദക്ഷിണേ ലക്ഷ്മണോ യസ്യ വാമേ തു ജനകാത്മജാ
പുരതോ മാരുതിരിസ്യ
തം വന്ദേ രഘുനന്ദനം (31)

ലോകാഭിരാമം രണരംഗധീരം
രാജീവനേത്രം രഘുവംശനാഥം
കാരുണ്യ രൂപം കരുണാകരം തം ശ്രീ രാമചന്ദ്രം ശരണം പ്രപദ്യേ (32)

മനോജവം മാരുത തുല്യ വേഗം
ജിതേന്ദ്രിയം ബുദ്ധിമതാം വരിഷ്ഠം
വാതാത്മജം വാനരയൂഥമുഖ്യം
ശ്രീ രാമദൂതം ശരണം പ്രപദ്യേ (33)

കൂജന്തം രാമരാമേതി
മധുരം മധുരാക്ഷരം
ആരുഹ്യ കവിതാ ശാഖാം
വന്ദേ വാല്മീകി കോകിലം (34)

ആപദാം അപഹർത്താരം
ദാതാരം സർവ്വ സമ്പദാം
ലോകാഭിരാമം ശ്രീ രാമം
ഭൂയോ ഭൂയോ നമാമ്യഹം (35)

ഭർജ്ജനം ഭവ ബീജാനാം
അർജ്ജനം സുഖ സമ്പദാം
തർജ്ജനം യമദൂതാനാം
രാമ രാമേതി ഗർജ്ജനം (36)

രാമോ രാജമണിഃ സദാ വിജയതേ രാമം രമേശം ഭജേ
രാമേണാഭിഹതാ നിശാചരചമൂ രാമായ തസ്മൈ നമഃ
രാമാന്നാസ്തി പരായണം പരതരം രാമസ്യ ദാസോസ്മ്യഹം
രാമേ ചിത്തലയഃ സദാ ഭവതു മേ ഭോ രാമ മാമുദ്ധര (37)

ശ്രീ രാമ രാമ രാമേതി രമേ രാമേ മനോരമേ
സഹസ്രനാമ തത്തുല്യം രാമനാമ വരാനനേ (38)

ഇതി ശ്രീ ബുധ കൗശിക വിരചിതം ശ്രീ രാമ രക്ഷാസ്തോത്രം സമ്പൂർണ്ണം

🌹🌹🌹🌹🌹🌹🌹🌹🌹