HOMENEW7

മഹിഷാസുര മർദ്ദനീ സ്തോത്രം

🙏അയി ഗിരിനന്ദിനി നന്ദിതമേദിനി വിശ്വവിനോദിനി നന്ദനുതേ
ഗിരിവരവിന്ധ്യശിരോധിനിവാസിനി വിഷ്ണുവിലാസിനി ജിഷ്ണുനുതേ .
ഭഗവതി ഹേ ശിതികണ്ഠകുടുംബിനി ഭൂരികുടുംബിനി ഭൂരികൃതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 1.. …

സുരവരവർഷിണി ദുർധരധർഷിണി ദുർമുഖമർഷിണി ഹർഷരതേ
ത്രിഭുവനപോഷിണി ശങ്കരതോഷിണി കിൽബിഷമോഷിണി ഘോഷരതേ .
ദനുജനിരോഷിണി ദിതിസുതരോഷിണി ദുർമദശോഷിണി സിന്ധുസുതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 2.. …

അയി ജഗദംബ മദംബ കദംബവനപ്രിയവാസിനി ഹാസരതേ
ശിഖരിശിരോമണിതുംഗഹിമാലയശൃംഗനിജാലയമധ്യഗതേ .
മധുമധുരേ മധുകൈടഭഗഞ്ജിനി കൈടഭഭഞ്ജിനി രാസരതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 3.. .

അയി ശതഖണ്ഡവിഖണ്ഡിതരുണ്ഡവിതുണ്ഡിതശുണ്ഡഗജാധിപതേ
രിപുഗജഗണ്ഡവിദാരണചണ്ഡപരാക്രമശുണ്ഡ മൃഗാധിപതേ .
നിജഭുജദണ്ഡനിപാതിതഖണ്ഡവിപാതിതമുണ്ഡഭടാധിപതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 4.. ..

അയി രണദുർമദശത്രുവധോദിതദുർധരനിർജരശക്തിഭൃതേ
ചതുരവിചാരധുരീണമഹാശിവദൂതകൃതപ്രമഥാധിപതേ .
ദുരിതദുരീഹദുരാശയദുർമതിദാനവദൂതകൃതാന്തമതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 5.. .

അയി ശരണാഗതവൈരിവധൂവരവീരവരാഭയദായകരേ
ത്രിഭുവനമസ്തകശൂലവിരോധിശിരോധികൃതാമലശൂലകരേ .
ദുമിദുമിതാമരദുന്ദുഭിനാദമഹോമുഖരീകൃതതിഗ്മകരേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 6.. ..

അയി നിജഹുഁകൃതിമാത്രനിരാകൃതധൂമ്രവിലോചനധൂമ്രശതേ
സമരവിശോഷിതശോണിതബീജസമുദ്ഭവശോണിതബീജലതേ .
ശിവശിവ ശുംഭനിശുംഭമഹാഹവതർപിതഭൂതപിശാചരതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 7.. ..

ധനുരനുസംഗരണക്ഷണസംഗപരിസ്ഫുരദംഗനടത്കടകേ
കനകപിശംഗപൃഷത്കനിഷംഗരസദ്ഭടശൃംഗഹതാവടുകേ .
കൃതചതുരംഗബലക്ഷിതിരംഗഘടദ്ബഹുരംഗരടദ്ബടുകേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 8…..

സുരലലനാതതഥേയിതഥേയിതഥാഭിനയോത്തരനൃത്യരതേ
ഹാസവിലാസഹുലാസമയി പ്രണതാർതജനേഽമിതപ്രേമഭരേ .
ധിമികിടധിക്കടധികടധിമിധ്വനിഘോരമൃദംഗനിനാദരതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 9.. …

ജയ ജയ ജപ്യജയേ ജയശബ്ദപരസ്തുതിതത്പരവിശ്വനുതേ
ഝണഝണഝിഞ്ഝിമിഝിങ്കൃതനൂപുരസിഞ്ജിതമോഹിതഭൂതപതേ .
നടിതനടാർധനടീനടനായകനാടിതനാട്യസുഗാനരതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 10.. ..

അയി സുമനഃസുമനഃ സുമനഃ സുമനഃ സുമനോഹരകാന്തിയുതേ
ശ്രിതരജനീരജനീരജനീരജനീരജനീകരവക്ത്രവൃതേ .
സുനയനവിഭ്രമരഭ്രമരഭ്രമരഭ്രമരഭ്രമരാധിപതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 11.. .

സഹിതമഹാഹവമല്ലമതല്ലികമല്ലിതരല്ലകമല്ലരതേ
വിരചിതവല്ലികപല്ലികമല്ലികഝില്ലികഭില്ലികവർഗവൃതേ .
സിതകൃതഫുല്ലിസമുല്ലസിതാരുണതല്ലജപല്ലവസല്ലലിതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 12.. …

അവിരലഗണ്ഡഗലന്മദമേദുരമത്തമതംഗജരാജപതേ
ത്രിഭുവനഭൂഷണഭൂതകലാനിധിരൂപപയോനിധിരാജസുതേ .
അയി സുദതീ ജനലാലസമാനസമോഹനമന്മഥരാജസുതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 13.. ..

കമലദലാമലകോമലകാന്തികലാകലിതാമലഭാലലതേ
സകലവിലാസകലാനിലയക്രമകേലിചലത്കലഹംസകുലേ .
അലികുലസങ്കുലകുവലയമണ്ഡലമൗലിമിലദ്ഭകുലാലികുലേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 14.. …

കരമുരലീരവവീജിതകൂജിതലജ്ജിതകോകിലമഞ്ജുമതേ
മിലിതപുലിന്ദമനോഹരഗുഞ്ജിതരഞ്ജിതശൈലനികുഞ്ജഗതേ .
നിജഗണഭൂതമഹാശബരീഗണരംഗണസംഭൃതകേലിരതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 15.. …

കടിതടപീതദുകൂലവിചിത്രമയൂഖതിരസ്കൃതചന്ദ്രരുചേ
പ്രണതസുരാസുരമൗലിമണിസ്ഫുരദംശുലസന്നഖചന്ദ്രരുചേ .
ജിതകനകാചലമൗലിപദോർജിതനിർഝരകുഞ്ജരകുംഭകുചേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 16.. .

വിജിതസഹസ്രകരൈകസഹസ്രകരൈകസഹസ്രകരൈകനുതേ
കൃതസുരതാരകസംഗരതാരകസംഗരതാരകസൂനുസുതേ .
സുരഥസമാധിസമാനസമാധിസമാധിസമാധിസുജാതരതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 17.. .

പദകമലം കരുണാനിലയേ വരിവസ്യതി യോഽനുദിനം സ ശിവേ
അയി കമലേ കമലാനിലയേ കമലാനിലയഃ സ കഥം ന ഭവേത് .
തവ പദമേവ പരമ്പദമേവമനുശീലയതോ മമ കിം ന ശിവേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 18.. ..

കനകലസത്കലസിന്ധുജലൈരനുസിഞ്ചിനുതേ ഗുണ രംഗഭുവം
ഭജതി സ കിം ന ശചീകുചകുംഭതടീപരിരംഭസുഖാനുഭവം .
തവ ചരണം ശരണം കരവാണി നതാമരവാണിനിവാസി ശിവം
variation മൃഡാനി സദാ മയി ദേഹി ശിവം
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 19.. …

തവ വിമലേന്ദുകുലം വദനേന്ദുമലം സകലം നനു കൂലയതേ
കിമു പുരുഹൂതപുരീന്ദുമുഖീസുമുഖീഭിരസൗ വിമുഖീക്രിയതേ .
മമ തു മതം ശിവനാമധനേ ഭവതീ കൃപയാ കിമുത ക്രിയതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 20.. ..

അയി മയി ദീനദയാലുതയാ കൃപയൈവ ത്വയാ ഭവിതവ്യമുമേ
അയി ജഗതോ ജനനീ കൃപയാസി യഥാസി തഥാഽനുമിതാസി രതേ .
യദുചിതമത്ര ഭവത്യുരരീകുരുതാദുരുതാപമപാകുരുതേ
ജയ ജയ ഹേ മഹിഷാസുരമർദിനി രമ്യകപർദിനി ശൈലസുതേ .. 21.. .🙏