HOMENEW 5

_*ഋഷിപ്പഞ്ചമി*_


*ഇന്ന് ഋഷി പഞ്ചമി*
*01 – 10 – 2022*

*ചന്ദ്ര കലണ്ടറിലെ ഭദ്രപാദ് മാസത്തിലെ ഗണേഷ് ചതുർത്ഥി ദിവസത്തിന് ശേഷം അടുത്ത ദിവസം അഞ്ചാം ദിവസമാണ് ഋഷി പഞ്ചമി. കശ്യപൻ, അത്രി, ഭരദ്വജൻ, വിശ്വാമിത്രൻ, ഗൗതമ മഹർഷി, ജമദഗ്നി, വസിഷ്ഠൻ എന്നീ ഏഴു മുനിമാരായ സപ്ത ഋഷിയുടെ പരമ്പരാഗത ആരാധനയാണിത്. കേരളത്തിന്റെ ചില ഭാഗങ്ങളിൽ വിശ്വകർമ പൂജ എന്നും ആചരിക്കുന്നു.*

*വേദ നാഗരികതയുടെ അടിസ്ഥാന ചട്ടകൂടു സ്ഥാപിച്ച സപ്ത ഋഷികൾക്കായി സമർപ്പിക്കുന്ന ദിനം ആണ് ഋഷിപ്പഞ്ചമി.ഇന്ത്യ യുടെ വിവിധ ഭാഗങ്ങളിൽ സ്ത്രി സമൂഹം നടത്തുന്ന പ്രാദേശിക വ്രതം ആണ് ഋഷിപ്പഞ്ചമി.ഹിന്ദു മാസമായ ഭദ്രപദത്തിലെ പഞ്ചമി തിഥിയിൽ (അഞ്ചാം ദിവസം ) ശുക്ല പക്ഷത്തിൽ ഏഴു സന്യാസിമാർക്കായി സമർപ്പിച്ചിരിക്കുന്ന വ്രതം. അവരെ സപ്ത ഋഷികൾ എന്നു വിളിക്കുന്നു.അവർ ബ്രഹ്മാവിന്റെ മനസ്സിൽ നിന്നും ജനിച്ചവരും വേദ സംസ്കാരത്തിന്റെ പിതാക്കളുമാണ്. ഈ ദിവസം സപ്ത ഋഷികളെ ആദരികുനതിനായും ഋതു മതിയായ സ്ത്രീകൾ അറിയാതെ ചെയ്തു പോയ പാപങ്ങളിൽ നിന്നു മുക്തരാകുവാൻ ഋഷിപ്പഞ്ചമി പൂജ ചെയുന്നു. നോമ്പ് അനുഷ്ഠിക്കുന്നു. കാശ്യപ, അത്രി, ഭരധ്വജ, വിശ്വമിത്ര, ഗൗതമ, വാസിഷ്ടൻ, വിശ്വമിത്ര എന്നിവർ ആണ് സപ്ത ഋഷികൾ.*

_*1. കാശ്യപ മഹർഷി*_

*മാരിചിയുടെ മകൻ,കാശ്യപ സംഹിത, കാശ്യപ ധർമ ശാസ്ത്രം, കാശ്യപ ശില്പ എന്നിവ രചിച്ചു.*

_*2.അത്രി മഹർഷി*_

*ഋഗ്വേദത്തിന്റെ അഞ്ചാം മണ്ഡലത്തിന്റെ രചിയിതാവ്. ദേവി അനസൂയയെ വിവാഹം ചെയ്തു. ശ്രീ രാമ ലക്ഷ്മണൻ മാർ ഇദ്ദേഹത്തിന്റെ ആശ്രമം സന്ദർശിച്ചിരുന്നു.*

_*3.വസിഷ്ഠ മഹർഷി*_

*വസിഷ്ഠൻ ഋഗ്വേദത്തിന്റെ ഏഴാം മണ്ഡലത്തിന്റെ സൃഷ്ടാവ് ആണ്. യോഗ വാസിഷ്ഠ, അഗ്നി പുരാണം, വിഷ്ണു പുരാണം രചിച്ചു, അരുന്ധതി ദേവിയെ വിവാഹം ചെയ്തു.*

_*4. വിശ്വാമിത്ര മഹർഷി*_

*ഋഗ്വേദത്തിലെ മൂന്നാമത്തെ മണ്ഡലത്തിന്റെ കർത്താവാണ് വിശ്വാമിത്രൻ. രാമായണത്തിലെ കഥാപാത്രമാണ്.*

_*5.ഗൗതമൻ*_

*ഋഗ്വേദത്തിലെ പ്രധാന മണ്ഡലത്തിൽ ഗൗതമൻ വ്യത്യസ്ത ശ്ലോകങ്ങൾ രചിച്ചു. അഹല്യയെ വിവാഹം ചെയ്തു. ഗോദാവരി, നാസിക് എന്നിവിടങ്ങളിൽ ഉള്ള ശിവ ലിംഗവും ഇദ്ദേഹവുമായി ബന്ധം ഉണ്ട്.*

_*6. ജമദഗ്നി മഹർഷി*_

*ഭൃഗു മഹർഷിയുടെ പര മ്പരയിൽ പെടുന്ന ഇദ്ദേഹം പരശുരാമന്റെ പിതാവ് ആണ്.*

_*7.ഭരധ്വാജ മഹർഷി*_

*ഋഗ്വേദത്തിലെ ആറാ മത്തെ ശ്ലോകത്തിന്റെ രചിയിതാവായ ഇദ്ദേഹം ദ്രോണാചാര്യരുടെ പിതാവ് ആണ്.*

*ഋഷിപ്പഞ്ചമി ദിവസം സപ്ത ഋഷികളെ ആരാധിച്ചു പുണ്യ നദികളിൽ സ്നാനം ചെയ്തു ആരാധനയും പൂജയും നടത്തിയാൽ ദോഷങ്ങൾ ഇല്ലാതെയാകുമെന്നും സ്ത്രീകൾ ആർത്തവ സംബന്ധമായ പാപങ്ങളിൽ നിന്നും മുക്തരാകുമെന്നും വിശ്വസിക്കുന്നു.*

_*ഋഷിപ്പഞ്ചമി കഥ ഇപ്രകാരം ആണ്.*_

*പണ്ട് വിദർഭ രാജ്യത്തു ഉത്തങ്ക് എന്ന ബ്രാഹ്മണൻ പത്നി സുശീലയോടൊപ്പം താമസിച്ചിരുന്നു. അവരുടെ മകൾ വിവാഹ പ്രായം ആയപ്പോൾ ഉത്തമനായ ഒരു ബ്രാഹ്മണ കുമാരനു വിവാഹം ചെയ്തു കൊടുക്കുകയും അകാലത്തിൽ അവൾ വിധവ ആകുകയും ചെയ്തു. മാതാപിതാക്കളോടൊപ്പം തിരിച്ചെത്തി സ്വന്തം വീട്ടിൽ താമസം ആക്കിയ അവളെ ഒരു ദിവസം രാത്രിയിൽ ഉറുമ്പ് അരിക്കപ്പെട്ട നിലയിൽ മാതാപിതാക്കൾ കാണുകയും അവർ അതീവ ദുഖിതർ ആകുകയും ചെയ്തു. ആ മാതാ പിതാക്കൾ ഇതിന്റെ കാരണം അന്വേഷിച്ചു മുനി ശ്രേഷ്ഠരെ സമീപിച്ചു. ആ പുത്രി മുൻ ജന്മത്തിൽ ഋതു മതി ആയിരുന്നപ്പോൾ ചെയ്ത പാപങ്ങൾ ആണ് ഇതിനു കാരണം എന്നും ഋതു ദോഷങ്ങൾ ശമിച്ചു മുക്തി നേടാൻ ഋഷിപ്പഞ്ചമി വ്രതം അനുഷ്ടിക്കണമെന്ന് മുനി ശ്രേഷ്ഠന്മാർ ഉപദേശിച്ചു. അടുത്ത ഋഷിപ്പഞ്ചമി ദിവസം അവൾ സപ്ത ഋഷികളെ പൂജിച്ചു വ്രതം അനുഷ്ഠിച്ചു മോക്ഷം നേടുകയും ചെയ്തു. ഇന്ത്യ യിലെ സ്ത്രീകൾ വിശ്വാസത്തോടെ ഇന്നും സപ്തഋഷികളെ പൂജിച്ചു വ്രതം അനുഷ്ഠിക്കുന്ന വിശേഷ ദിനം ആണ് ഋഷിപ്പഞ്ചമി.*

_*ഋഷിപ്പഞ്ചമി വ്രതം*_

_*ഋഷിപ്പഞ്ചമി മന്ത്രം*_

*”കാശ്യപോത്രി ഭരദ്വാജോ*
*വിശ്വമിത്രയോ ഗൗതമ :*
*ജമദഗ്നി വശിഷ്ടഛ:*
*സപ്തയർശ്യ സ്‌മൃതാ :*
*ഗൃഹൻവർദ്ധ്യ ദാന്തം*
*ത്വഷ്ട ഭവത് മേം സദ :*

_*ഋഷിപ്പഞ്ചമി പൂജ*_

*ഋഷിപ്പഞ്ചമി ദിവസം രാവിലെ സ്നാനം നടത്തുക.*

*വീട് വൃത്തി ആക്കുക*

*ദിവസം ഒരിക്കൽ മാത്രം ഭക്ഷണം കഴിക്കുക.*

*വ്രതം അനുഷ്ഠിക്കുക.*

*ഈ ദിവസം തൈരും പ്രത്യേകം നിർമിച്ച അരി ഭക്ഷണവും കഴിക്കുക.*

*ഉപ്പ് ഒഴിവാക്കുക.*

*സപ്ത ഋഷികളുടെയും ദേവി അരുന്ധതിയുടെയും പ്രതിമ സ്ഥാപിക്കുക.*

*വീടിന്റെ ആരാധനയിൽ ചെമ്പു കലശം സ്ഥാപിക്കുക.*

*സ്ഥാപിതമായ കലത്തിനു ചുറ്റും എട്ടു ദലങ്ങളിൽ താമര സ്ഥാപിച്ചു സപ്ത ഋഷികൾക്കും അരുന്ധതി ദേവിക്കും സമർപ്പിക്കുക.*

*സപ്ത ഋഷികളെ മഞ്ഞൾ, കുംകുമം ചന്ദനം, പൂക്കൾ, അക്ഷതം ഉപയോഗിച്ച് ആരാധിക്കുക.*

*ആരാധനക്ക് ശേഷം സപ്ത ഋഷികളെ പാൽ, തൈര്, നെയ്യ്, തേൻ,ജലം ഉപയോഗിച്ച് അഭിഷേകം നടത്തണം.*

*പുഷ്പം, മഞ്ഞൾ, അരി, വിളക്കു, ധൂപം നൈവേദ്യം കൊണ്ട് പൂജിക്കുക.*

*ഋഷിപ്പഞ്ചമി വ്രതം കഥ കേൾക്കുക.*

*അവസാനം ദാനം നിർവഹിച്ചു വ്രതം അവസാനിപ്പിക്കുക.*

*ഈ വ്രതത്തിൽ, സമൂഹത്തിന്റെ ക്ഷേമത്തിനായി തങ്ങളുടെ ജീവിതം സമർപ്പിച്ച പുരാതന ഋഷികളുടെ മഹത്തായ പ്രവർത്തനങ്ങളെ ജനങ്ങൾ ബഹുമാനത്തോടെ നന്ദിയും സ്മരണയും പ്രകടിപ്പിക്കുന്നു. വ്രതം സ്ത്രീകൾ ആചരിക്കേണ്ടതാണ്. ചില ദാദീച്ച് ബ്രാഹ്മണരും രാജസ്ഥാനിലെ അഗർവാൾ, മഹേശ്വരി സമുദായങ്ങളും ഋഷി പഞ്ചമിയെ രക്ഷാ ബന്ധൻ അല്ലെങ്കിൽ “രാഖി ഉത്സവം” എന്നും ആഘോഷിക്കുന്നു. സഹോദരിമാർ “രാഖി” അല്ലെങ്കിൽ “സേക്രഡ് ത്രെഡ്” കെട്ടുന്നു. സഹോദരീസഹോദരന്മാർ പരസ്പരം ക്ഷേമത്തിനായി പ്രാർത്ഥിക്കുകയും ഓരോ ഒത്ത്പഹറിനെയും സംരക്ഷിക്കാൻ പ്രതിജ്ഞയെടുക്കുകയും ചെയ്യുന്നു.*

_*വിശ്വകർമ്മാ പൂജയും ഋഷി പഞ്ചമിയും*_

*ലോകത്താകമാനമുള്ള വിശ്വകർമ്മജർ ലോകസ്രഷ്ടാവായ ഭഗവാൻ വിശ്വകർമ്മാവിനെ പൂജിച്ചും വിജ്ഞാനസദസുകൾ സംഘടിപ്പിച്ചും വാഴ്ത്തിസ്തുതിക്കുന്ന പുണ്യദിനമാണ് ഋഷി പഞ്ചമി. ഇൗ ദിനം ഭാരതത്തിൽ ചില സംഘടനകൾ തൊഴിൽ ദിനമായി ആചരിക്കുമ്പോൾ വിശ്വകർമ്മജർ വിശ്വകർമ്മ ജയന്തിയായും ആഘോഷിച്ചുപോരുന്നു. എന്താണ് വിശ്വകർമ്മദിനത്തിന്റെ പ്രസക്തിയെന്നത് വേദമന്ത്രങ്ങളിലും ശ്രുതികളിലും സ്മൃതികളിലും നിറഞ്ഞുനിൽക്കുന്ന മന്ത്രസംഹിതകൾ കാട്ടിത്തരുന്നു.*

*യഥാർത്ഥത്തിൽ വിശ്വകർമ്മദിനം, ഭാരതീയ സനാതനധർമ്മത്തിന്റെ സത്യം തുറന്നു കാട്ടുന്ന പുണ്യതിഥിയാകുന്നു. അത് ആരംഭിക്കുന്നത് ഋഷിപഞ്ചമിയെന്ന ആഘോഷവുമായി ബന്ധപ്പെട്ട് രൂപപ്പെട്ടതാണ്.*

*വിശ്വാത്മാവായ സദാശിവ വിശ്വകർമ്മ പെരുമാളാണ് ഈ പ്രപഞ്ചത്തിലെ സർവ്വചരാചരങ്ങളും സൃഷ്ടിച്ചതെന്നും സർവ്വ ജീവജാലങ്ങളിലും കുടികൊള്ളുന്ന ജീവാത്മാവും പരമാത്മാവെന്നും വേദോപനിഷത്തുകൾ പറഞ്ഞുതരുന്നു. സർവ്വവേദങ്ങളും വിളംബരപ്പെടുത്തുന്നത് ദൈവം ഏകമെന്നാണ്. ഭാരതീയമതമനുസരിച്ച് വേദങ്ങൾ അഞ്ചാണ്.*

*വിശ്വകർമ്മഭഗവാന്റെ പഞ്ചമുഖങ്ങളിൽനിന്നും പ്രകാശിതമായ അഞ്ച് വേദങ്ങൾ പഞ്ചപുത്രന്മാരായ അഞ്ച് ഋഷീശ്വരന്മാർക്ക് പകർന്നു നൽകിയ വേദ വിജ്ഞാനത്തിന്റെ അനുഗൃഹീത നിമിഷത്തെ പിൽക്കാലം ഋഷി പഞ്ചമി ആഘോഷമായി കൊണ്ടാടുന്നു. പഞ്ചമുഖനായ ഭഗവാനെ പഞ്ചമിനാളിൽ വേദവിധിപ്രകാരമുള്ള പൂജാവിധികളാൽ ആഘോഷിക്കപ്പെട്ടു വന്നു. ആചാര്യമത സ്ഥാപകരായ ഭാരതീയ സനാതനധർമ്മത്തിന്റെ നേരവകാശികളായ വിശ്വകർമ്മജർ വേദപാരായണങ്ങളാൽ ബീഹാറിലെ വിശ്വകർമ്മക്ഷേത്രത്തിൽ ഭാദ്രപദ മാസത്തിലെ പഞ്ചമിനാളിൽ ഭക്തി നിർഭരമായി ആഘോഷങ്ങൾ സംഘടിപ്പിക്കുന്നു.*

*എന്നാൽ ഭാരതീയ ആദിവേദകാല ചരിത്രകാലഘട്ടം അവലോകനം ചെയ്യുമ്പോൾ ഈ ദിനം പരുഷ്ണിനദിയുടെ തീരത്ത് വിശ്വകർമ്മവംശജരും അന്നത്തെ ഭരണാധികാരിയായിരുന്ന ദിവോദാസനുമായുള്ള യുദ്ധവും ആ യുദ്ധത്തിൽ വധിക്കപ്പെട്ട് ആയിരക്കണക്കിന് വിശ്വബ്രാഹ്മണരും രക്ഷപ്പെട്ട മറ്റ് വേദാധികാരികൾ വിവിധ രാജ്യങ്ങളിലേക്ക് വിശ്വകർമ്മജർക്ക് അവകാശപ്പെട്ട വേദങ്ങളും മന്ത്രതന്ത്രങ്ങളുടെയും നിർമ്മാണകലകളുടെ അനഘഗ്രന്ഥങ്ങളുമായി പലായനം ചെയ്ത ദുർദിനത്തിന്റെ ഓർമ്മപ്പെടുത്തലായും അറിയപ്പെടുന്നു.*

*ബ്രഹ്മജ്ഞന്മാർ വിവിധ മൂർത്തികളായി ആരാധിക്കുന്ന സകലദേവതകളും ഏകമായ വിശ്വബ്രഹ്മത്തിന്റെ സ്വരൂപങ്ങളാണ്. സ്ത്രീപുരുഷ യോഗത്തിന്റെ പരപീഠങ്ങളായി ബ്രഹ്മ – സരസ്വതി, വിഷ്ണു- ലക്ഷ്മി, ശിവ – പാർവ്വതി സംഗമങ്ങളെ തിരിച്ചറിയിപ്പിക്കുന്നതും വേദജ്ഞാനമാണ്.*

*വിശ്വഗുരുവായ ഭഗവാന്റെ പാദാരവിന്ദങ്ങളിൽ വിശ്വവന്ദനം നൽകുന്ന പുണ്യദിനം. പ്രണവസ്വരൂപനായ വിശ്വകർമ്മഭഗവാന്റെ പീതാംബരവസനകളേബരം ആപാദചൂഡം നമിച്ച് സർവ്വ വിഘ്നമോക്ഷ പ്രാപ്തി നേടുന്നതിനുള്ള പുണ്യദിനമാകട്ടെ ഈ സുദിനം.* 🙏


*കടപ്പാട്*