HOMENEW 5

*🔥🐍ഓം നമോ ഭഗവതേ രുദ്രായ 🐍🔥*


*🪷〰️▪️ദ്വാദശ പൂജ ▪️〰️🪷*

➿〰️➿〰️➿〰️➿〰️➿


*വളരെ വിശേഷപ്പെട്ട ഒരു വിഷ്ണുപൂജയാണ് ദ്വാദശ പൂജ. വീടുകളിൽ ഐശ്വര്യത്തിനും സമൃദ്ധിക്കും വേണ്ടിയും ഈ പൂജ ചെയ്യാറുണ്ട് . ഗണപതി ഹോമത്തിനും ഭഗവതി സേവയ്ക്കും ഒപ്പം ചിലർ ഈ പൂജ ചെയ്യാറുണ്ട് . പിതൃ ആവാഹനം പോലുളള കർമ്മങ്ങൾ ചെയ്യുമ്പോൾ പരിഹാരത്തിനായി ചെയ്യുന്ന ഒരു ക്രിയ കൂടിയാണ് ദ്വാദശപൂജ എന്നത്.*

*വിഷ്‌ണുവിന്റെ പന്ത്രണ്ട് നാമങ്ങൾ പൂജിക്കുന്നതാണ് ദ്വാദശ പൂജ .ആദ്യമായി ഒരു അഷ്ടദളപത്മമിട്ട്, തുടർന്ന് അഷ്ടദളത്തിന് പുറത്ത് പന്ത്രണ്ടു സ്വസ്തിക പത്മമിട്ട് അവിടെ തണ്ടുലം വച്ച് വിഷ്ണുവിനെ ആവാഹിക്കുന്നു (പന്ത്രണ്ട് വിളക്കായാലും മതി ) . ഭഗവാനെ താഴെ പറയുന്ന മന്ത്രം ജപിച്ച്‌ പൂജിച്ച്‌ ആവാഹിച്ച്‌ നിവേദ്യം കൊടുക്കുന്നു:*


*കേശവായ നമഃ*
*നാരായണായ നമഃ*
*മാധവായ നമഃ*
*ഗോവിന്ദായ നമഃ*
*വിഷ്ണവേ നമഃ*
*മധുസൂദനായ നമഃ*
*ത്രിവിക്രമായ നമഃ*
*വാമനായ നമഃ*
*ശ്രീധരായ നമഃ*
*ഋഷീകേശായ നമഃ*
*പത്മനാഭായ നമഃ*
*ദാമോദരായ നമഃ*

*നിവേദ്യം കൊടുത്തതിന് ശേഷം വിവിധ മന്ത്രങ്ങളാൽ പന്ത്രണ്ട് ഭാവത്തിലുമുള്ള ഭഗവാനെ പ്രീതിപ്പെടുത്തുന്നു . തുടർന്ന് കർപ്പൂരം ഉഴിഞ്ഞ് ഈ പന്ത്രണ്ട് നാമധാരികളായ ഭഗവൽ ചൈതന്യത്തേയും നടുക്കുള്ള തണ്ടുലത്തിലുള്ള വിഷ്ണുവിലേക്കു ലയിപ്പിക്കും . അതോടെ നടുക്കുള്ള തണ്ടുലത്തിലുള്ള വിഷ്ണു ചൈതന്യത്തിന് പന്ത്രണ്ട് ഭാവത്തിലുമുള്ള (പന്ത്രണ്ട് നാമത്തിലുമുള്ള ) വിഷ്ണു ചൈതന്യത്തിന്റെ പൂജ കൊണ്ടുണ്ടായ ശക്തി ലഭിക്കുന്നു. തുടർന്ന് കർപ്പൂരമുഴിഞ്ഞ് പൂജ അവസാനിപ്പിക്കുന്നു . പൂജയിൽ സംതൃപ്തനായ ഭഗവാൻ പിതൃക്കൾക്ക് സായൂജ്യമരുളുന്നു . വീട്ടുകാർക്ക് സർവൈശ്വര്യങ്ങളും ലഭിക്കുന്നു…*

*പിതൃ സായൂജ്യം , ധന ഐശ്വര്യ ലാഭം , മഹാവിഷ്ണു പ്രീതി എന്നിവയാണ് ഈ പൂജ ചെയ്യുന്നത് കൊണ്ടുള്ള പ്രയോജനം..*


➿〰️➿〰️➿〰️➿〰️➿〰️➿

*കടപ്പാട്*