HomeNew4

*_ശ്രീഗുരുവായുപുരേശസുപ്രഭാതം_*

*ഉത്തിഷ്ഠ കൃഷ്ണ ഗുരുവായുപുരേശ ശൗരേ ഉത്തിഷ്ഠ ദേവ വസുദേവസുപുണ്യമൂര്‍തേ । ഉത്തിഷ്ഠ മാധവ ജനാര്‍ദന രാധികേശ ത്രൈലോക്യമേതദഖിലം കുരു മംഗലാഢ്യം ॥ 1 ॥*

*ശ്രീജാമദഗ്ന്യഭുവി സര്‍വജഗദ്ധിതാര്‍ഥേ ജീവേന മാരുതയുതേന കൃതപ്രതിഷ്ഠം । ഗുര്‍വാദിവായുപുരനാഥമനാഥനാഥം വാചാ നമാമി മനസാം വചസാമഗംയം*
*॥ 2 ॥*

*വിശ്വപ്രകാശ ഗുരുവായുകൃതപ്രതിഷ്ഠ ക്ഷേത്രജ്ഞരൂപ പരമേശ്വര വിശ്വബന്ധോ । ആനന്ദരൂപ ജഗതാം സ്ഥിതിസൃഷ്ടി ഹേതോ സ്വാത്മാനമേവ ഭഗവന്തമഭീഷ്ടവീമി*
*॥ 3 ॥*

*മായാഗൃഹീതവിധിവിഷ്ണുമഹേശരൂപ സൂത്രാത്മ വായുഗുരുഗേഹഗ വിശ്വരൂപ । വിശ്വോദ്ഭവപ്രലയകേലിഷുലോല ഭൂമന്‍ ബ്രഹ്മാത്മരൂപ ബഹുരൂപ നമോ നമസ്തേ*
*॥ 4 ॥*

*മായാമഹാജവനികാപിഹിതാത്മദൃഷ്ടിഃ വിശ്വോദ്ഭവ പ്രലയകേലിഷു ജാഗരൂകം । നിത്യപ്രബുദ്ധമപി ബോധയിതും പ്രവൃത്തഃ സൂര്യം തമോവൃതമവൈതി തമോഽന്ധദൃഷ്ടിഃ*
*॥ 5 ॥*

*നിദ്രാ ന തേഽസ്തി ജിതമായ സദാഽപ്രമേയ മായാപ്രപഞ്ചനവനാടകസൂത്രധാരിന്‍ । ലോകാനുസാരവിധായ നനു ബോധ്യസേ ത്വം വാതാലയേശ്വര വിഭോ തവ സുപ്രഭാതം*
*॥ 6 ॥*

*ശ്രീവ്യാസനാരദസനന്ദസനത്കുമാര- ദുര്‍വാസഗര്‍ഗകപിലാദ്യഖിലാ മുനീന്ദ്രാഃ ।*
*പ്രാപ്താ ഹരേ തവ പദാംബുജദര്‍ശനാര്‍ഥം* *വാതാലയേശ്വര വിഭോ തവ സുപ്രഭാതം*
*॥ 7 ॥*

*പ്രത്യൂഷപൂജനരതാഃ കില പൂജകാസ്തേ പുഷ്പോപഹാരതുലസീദധിദുഗ്ധഹസ്താഃ । സംബോധയന്തി ഭഗവന്‍ ശ്രുതിസൂക്തപാഠൈഃ വാതാലയേശ്വര വിഭോ തവ സുപ്രഭാതം*
*॥ 8 ॥*

*ഭക്താ ജനാഃ സുകദലീഫലശര്‍കരാദി ഹൈയംഗവീനപൃഥുകാന്വിതലാജപൂപാന്‍ । തുഭ്യം നിവേദയിതുമദ്യ സമാഗതാസ്തേ വാതാലയേശ്വര വിഭോ തവ സുപ്രഭാതം*
*॥ 9 ॥*

*വാതാദിരോഗപരിപീഡിതസര്‍വഗാത്രാഃ ദൂരാത്സമേത്യ സതതം ത്വയി ഭക്തിയുക്താഃ । കൃഷ്ണാച്യുതാഘഹരണാംബുജനാഭ വിഷ്ണോ നാരായണാംബുജഭവാദിനിഷേവിതാംഘ്രേ ।*
*മാം പാഹി വാതപുരനാഥ* *സമീരയന്തി വാതാലയേശ്വര വിഭോ തവ സുപ്രഭാതം*
*॥ 10 ॥*

*ദൂരാത്സമേത്യ മനുജാസ്തവ ചക്രതീര്‍ഥേ സ്നാത്വാ വിശുദ്ധഹൃദയാഃ ഫലപുഷ്പഹസ്താഃ । ത്വത്പുണ്യനാമഗണജാപരതാ ഭജന്തേ വാതാലയേശ്വര വിഭോ തവ സുപ്രഭാതം*
*॥ 11 ॥*

*ത്വാം ദേവകീ ച വസുദേവസുതശ്ച നന്ദഃ സുപ്തപ്രബുദ്ധമിഹ ദുഗ്ധകരാ യശോദാ । ത്വത്പ്രേമഭാരഭരിതാഃ പ്രതിപാലയന്തി വാതാലയേശ്വര വിഭോ തവ സുപ്രഭാതം*
*॥ 12 ॥*

*മായാത്തദേഹ മധുസൂദന വിശ്വമൂര്‍തേ കായാത്തവാര്‍ചിതപദാംബുജ പുണ്യകീര്‍തേ । രാധാധരസ്ഥമധുലോലുപ രംയമൂര്‍തേ വാതാലയേശ്വര വിഭോ തവ സുപ്രഭാതം*
*॥ 13 ॥*

*മീനാകൃതേ ശ്രുതിസമുദ്ധരണായ പൂര്‍വം കൂര്‍മാകൃതേ ഗിരിസമുദ്ധരണായ പശ്ചാത് । കോലാകൃതേ ക്ഷിതിസമുദ്ധരണായ ഭൂമന്‍ ഗോപാല സുന്ദര വിഭോ തവ സുപ്രഭാതം*
*॥ 14 ॥*

*ശ്രീനാരസിംഹ ദിതിജക്ഷയഹേതുഭൂത പ്രഹ്ലാദരക്ഷക വിഭോ വടുവാമനാഖ്യ ।*
*ശ്രീരാമ ഭാര്‍ഗവ ഹലായുധ കൃഷ്ണ കല്‍കിന്‍* *വാതാലയേശ്വര വിഭോ തവ സുപ്രഭാതം*
*॥ 15 ॥*

*ശ്രീകൃഷ്ണ വൃഷ്ണിവര യാദവ രാധികേശ ഗോവര്‍ധനോദ്ധരണ കംസവിനാശ ശൗരേ । ഗോപാല വേണുധര പാണ്ഡുസുതൈകബന്ധോ ശ്രീമാരുതാലയവിഭോ തവ സുപ്രഭാതം*
*॥ 16 ॥*

*കൃഷ്ണേതി വര്‍ണയുഗമത്ര സുകീര്‍തനേന ഭക്താസ്തരന്തി ഭവസിന്ധുമയത്നതോ ഹി । സത്യേവമേനമതിദീനമുപേക്ഷസേ കിം കൃഷ്ണാഖിലേശ്വര വിഭോ തവ സുപ്രഭാതം 17॥*

*നിത്യം ച ഭാഗവതവാചനബദ്ധദീക്ഷാഃ ഭക്താഃ കഥാശ്രവണകൗതുകിനശ്ച ശൗരേ । ത്വത്സന്നിധാവനുമതിം കില തേഽര്‍ഥയന്തേ വാതാലയേശ്വര സുജാഗരണം തവാസ്തു*
* വിഭോ തവ സുപ്രഭാതം*
*॥18 ॥*

*ഭക്താന്‍ വിലോകയ ദൃശാ കരുണാര്‍ദ്രയാ ത്വം ആശ്വേവ* *താനനുഗൃഹാണ കൃതാര്‍ഥയേശ । ത്വത്പാദയോര്‍വിതര ഭക്തിമചഞ്ചലാം മേ*
*നിത്യം ഗൃണാമി വചസാ തവ മംഗലാനി*
*॥ 19 ॥*

*സര്‍വോപനിഷദീഡ്യായ നിര്‍ഗുണായ ഗുണാത്മനേ ।*
*ശങ്കരാഭിന്നരൂപായ സച്ചിദ്രൂപായ മംഗളം ॥ 20 ॥*

*സത്യഭാമാസമേതായ സത്യാനന്ദസ്വരൂപിണേ രുക്മിണീപ്രാണനാഥായ ലോകപൂജ്യായ മംഗളം*
*॥ 21॥*

*രാധാധരമധുപ്രീതമാനസായ മഹാത്മനേ ഗോപഗോപീസമേതായ ഗോപാലായാസ്തു മംഗളം*
*॥ 22 ॥*

*മംഗളം വേദവേദ്യായ വാസുദേവായ മങ്ഗലം ।*
*മംഗളം പദ്മനാഭായ* *പുണ്യശ്ലോകായ മംഗളം*
*॥ 23 ॥*

*മംഗളം പരമാനന്ദബ്രഹ്മരൂപായ മംഗളം ।* *ഗുരുവായുപുരേശായ ശ്രീകൃഷ്ണായാസ്തു മംഗളം*
*॥ 24 ॥*

*ഇതി ശ്രീഗുരുവായുപുരേശസുപ്രഭാതം സമ്പൂര്‍ണ്ണം*